HMV Kafe (已結業)

第一次饮HMV coffee 系因为收俾钱时，店员话买两本杂志就有免费咖啡送。真系多谢晒。外卖左杯latte , 三分钟后饮第一啖，奶温度太高，烫亲条脷，而且牛奶应该用左全脂，奶脂太高，口感太甜，又太烫，头十啖八啖只系沾到牛奶，完全饮唔到咖啡味 ! 到咖啡温度可饮时，咖啡炒得太㶶，有苦味，Hk 38 我唔会俾钱啰。今日行过，买多两本杂志，但店员无话有咖啡送，好彩我知啫！今日堂食cappuccino , 拉花几靓，仲惊牛奶会烫，一饮。。。唔够热！牛奶应该摆耐左，头几啖无搞散，杯咖啡系饮暖水既温度，同前几日相差甘远既？咖啡系earth taste ，我中意的口味，但水准不稳，给人不专业的cafe 感觉，如果细杯成38 蚊，试左一次，真系唔会俾钱买第二次。有promote 又唔系次次讲，推扩去唔到位。希望HMV Kafe 多多改善咖啡品质，成为有有特色的concept store