Capo's Espresso (已結業)

距离返工仲有少少时间，又系中环揾个地方坐下，是日就黎左呢个少少巷仔feel既机利文新街，因为记得呢度新开左一间咖啡店，所以就黎坐一坐饮杯咖啡。黎到既时候店内只有一个客人，随便揾个位就坐低啦。环境唔算好大，唔可以话坐得好舒服，但呢D时间无咩人都可以自己一个人慢慢坐下宁静一下既。最后选择了cake set，蛋糕有 4 款选择，最后拣左amaretto & chocolate cheesecake再加一杯caffe latte。坐低左之后店员就会送上蛋糕同咖啡啦~ 惊闷仲有部电视俾你睇添。不过个人觉得蛋糕味道比较一般，其实系唔难食的，简单d讲其实无咩味，味道好鬼淡下。芝士味唔突出，而且都唔系太食到朱古力味，只系每一口有少少香既杏仁酒味... 饼底亦有少少腍，虽然我都顺利完成哂佢，但真系唔算好食。caffe latte 黎到温度算几高温下，要慢慢饮呀~ 唔系辣亲就唔好啦~ 饮落都好滑身，几重奶香，咖啡味几甘醇又唔会苦，都几好饮的~~~系到坐左一阵好快就又够钟要走啦，下次如果黎应该会饮咖啡唔会食野啦~~。