頂立

营业中

休息中

拉面配咖啡呢个组合真系第一次听！冇谂过一杯精品咖啡可以令到一碗拉面有唔同嘅风味，这个体验真系好特别！想深入了解原理可以细阅menu，店员都会详细介绍食用次序，务求令我地有一个最佳的体验。冷萃咖啡来自Guatemala日晒豆，mix Ethiopia & Indonesia 豆，头段有花香、酸果味道，body会厚身少少，少少似Greek yogurt味道，最后似乌龙茶。香气扑鼻，味道醇厚、甜感明显。可以先饮啖咖啡，再饮啖汤，再饮翻咖啡，又会有另一种感觉，十分神奇。顶立鸡白汤汤底色泽呈现奶白，味道清甜鲜香，用上大量鸡骨、肉、鱼介、蔬果熬制。本身担心鸡胸肉会好干又瘦，相反，又几嫩滑㖞～顶立海虾汤用唔同虾壳虾膏煮出海鲜味，钟意浓汤的人一定会赞！对比白汤，呢个会咸啲。甜品有昭和风布丁，蛋香味突出，入口即化，是迷人的小甜点。另一款限定甜品系焙茶味巴斯克蛋糕。比其他餐厅的蛋糕更湿润，有芝士香，但不会好腻，口感细滑creamy，焙茶味轻轻调味。如果喜欢吃芝士蛋糕，就不要错过。