喀什米爾咖哩屋

营业中

休息中

今日点咗咖喱牛腩同酥油鸡肉，呢度啲咖喱唔算好辣，可以配白饭或者薄饼。另外仲叫咗一杯芒果酸奶同鲜芒果汁，埋单盛惠$173。🍽 咖喱牛腩 ($60)👍🏼，啲牛腩唔会柴，都几淋。个咖喱好香，我觉得辣度属于中少辣。🍽 酥油鸡肉 ($75)，呢个属于少少辣，鸡肉唔会柴，但又未去到嫩，我觉得一般啦。🍽 我觉得芒果酸奶 ($20) 比鲜芒果汁 ($18) 香啲好饮啲🍹服务都OK嘅，不过得一个阿姐喺舖面，落单、传菜、收银都系佢，佢都做到踢晒脚。环境同卫生情况一般，都系深水埗区食店质素啦。不过冷气唔系几够，夏天去再食埋咖喱都几热吓。