專業咖喱皇 (已結業)

一个人系佐敦揾嘢食，老婆完全唔食辣，所以如果我自己食饭多数会衬机会食D辣嘢入到专业咖喱皇，心大心个想食牛脷，但又见Menu写住〝大尾鱿...时价〞问老板娘有冇货佢即刻话〝有呀,梗系食大尾鱿啦!!!〞我再问 〝咁几钱呀?〞〝$168〞咁我就叫咗呢个...马苏里拉干咖喱大尾鱿，跟饭个名好长其间好担心佢俾鱿鱼圈我，即系图中呢款切法，好影响口感，非常讨厌。约等咗十五分钟有得食，哗好大碟好多鱿鱼，切法亦理想原来马苏里拉系面头D Mozzarella芝士，同干咖喱系冇乜关系嘅。跟白饭呢个决定好明智，另外再有一碗咖喱汁俾我捞饭嘅(我谂)大尾鱿食落好厚肉，弹牙，颇有鲜味。但可能为入味而炒耐咗些少，可以接受。老板呢个时侯系厨房出嚟，周围了解吓。我话第一次嚟...佢话〝第一次嚟食咁贵?〞谂落都系，而且一个人食一碟始终多咗D，食到后半有D吃力下次试吓干咖喱牛脷先。