影片
更多
2008-10-08
26 浏览
去完湿地公园，走过嚟元朗揾食，我哋哩D离岛人，元朗、天水围真系山长水远，好少去，今匀嚟到咁北嘅元朗，知道好多好嘢食，睇书仔介绍真系眼花撩乱，费事嚟到先揾，所以一早锁定目标嚟石岗！亦都懒得谂，坐低就笃手指拣咗个1B二人餐，$168有齐小食、铁板烤羊膝、咖喱牛肉（或猪、鸡）、咖喱什菜配白饭、又有烤麦缾、鲜果沙律、同埋汽水或红酒，真系好抵食，份量又足，根本两个人就食唔晒，所以落单时已叫佢哋个饭俾半份我哋就得喇，点知佢都仲系哩咗成份，即系一大碟，真激死！加上哩日系周日，好多人坐到爆，我哋都系安排坐晌走廊二人位，都 OK嘅，系比较多人行哩行去，不过反而静局D，无出面咁嘈添！小食 – 有印式春卷同鸡件，各两件，配D烧炸汁同乳酪汁，唔错！铁板烤羊膝 – 上枱时热辣辣，大大件羊膝有两件，呎吋就比鸡脾大一个呎码咁，一人揸住一只哩食，多层次嘅香料味，肉质软腍，带少少膻，真系好正！咖喱牛肉 - 牛肉用咗牛腩，不过就做得无咁好，因为韧咗D，好彩个咖喱汁胆做得惹味，用烤麦饼醮D咖喱哩食又得，捞饭食都得，真系好得！咖喱什菜 – 一样好食，因为D咖喱正，时菜有薯仔、蜜糖豆、椰菜花，唔会煮到腍晒。本来有个鲜果沙律，点
小食 – 有印式春卷同鸡件，各两件，配D烧炸汁同乳酪汁，唔错！
铁板烤羊膝 – 上枱时热辣辣，大大件羊膝有两件，呎吋就比鸡脾大一个呎码咁，一人揸住一只哩食，多层次嘅香料味，肉质软腍，带少少膻，真系好正！
咖喱牛肉 - 牛肉用咗牛腩，不过就做得无咁好，因为韧咗D，好彩个咖喱汁胆做得惹味，用烤麦饼醮D咖喱哩食又得，捞饭食都得，真系好得！
咖喱什菜 – 一样好食，因为D咖喱正，时菜有薯仔、蜜糖豆、椰菜花，唔会煮到腍晒。
本来有个鲜果沙律，点知改咗巴基斯坦芒果（佢哋一箱箱摆晌门口散买），食落充满芒果果香，好浓郁，仲好甜，可惜得𠮶4件仔，所以见佢有巴基斯坦鲜芒果汁买，$20杯，就叫咗杯哩试吓，大大杯，又够冰冻，一样都系咁浓郁芒果香，甜得哩又唔会好似糖水咁假，$20杯饮得过。
张贴
