亞參雞飯 (PopCorn 1)

营业中

休息中

将军澳有唔少东南亚菜餐厅，普遍都劲贵八九十蚊，呢晚行咗劲耐都无野睇得啱，价钱都太离地，最后行到攰就求其买呢间成日经过既餐厅。虽然话海南鸡饭最出名，但一向兴趣唔大，就叫咗份马来咖喱猪扒饭外卖。之前食过另一间分店个咖喱牛腩捞面，觉得咖喱系做得几惹味、只系份量细，所以本身冇乜期望，结果买到返黎，发现今次嗌饭个份量都唔错，比想像中好；咖喱够香浓，一贯水准；猪扒一开始食落仲以为系鸡，整到个样唔似猪扒，味道好一般，总结系得个咖喱值得表扬，价钱平返d会更理想。