旺角咖喱大皇 (已結業)

7 July 2006 (Fri) - 晚饭未食过就试下啦！服务水准一流，个waiter好好笑容，语气非常好，食完后因为有人等位，佢劲讲唔好意思叫我哋埋单，呢啲咁既人材，真系边度揾吖？嘢食水准亦相当唔错，啲咖喱又唔叫好辣，但又一定唔系唔辣，葡汁亦相当唔错，好入味！葡汁羊个卖相真系麻麻，因为见到啲羊皮有啲唔开胃，但系食入口又非常之淋，又唔太酥，所以都加分！个咖喱牛肉好好味，用黎配薄饼就一流！不过坐位就麻麻啦，因为张枱下面有个位用黎摆嘢，但系就顶膝头哥，所以对脚都唔知点摆好．．．不过我一定要再黎，因为个waiter真系好好人，好钟意啲咁既service！