影片
更多
2012-05-12
72 浏览
虽然家住美孚，只系隔个地铁站，但都好少过嚟西九四小龙依边，但近来晌碧海蓝天开咗间吉之岛，下面又多咗好几间食肆，撞啱小弟嘅生日，同区老死夏生同佢老婆话请我食番餐，地点就系吉之岛内嘅食肆，食边间随我拣，可惜我老婆要加班，无福消受。晌吉之岛走咗一个圈，真系几多选择，不过日式偏多，如大户屋、Pokka、板长……，最后拣咗CoCo壹番屋，一来记得尖沙咀新港中心嘅CoCo壹番屋都几人气，值搏率高；二来好想食咖喱，所以揾间专门店较稳阵；三来唔想人家太破费，CoCo壹番屋就比较实惠啲喇。原来依间都系CoCo壹番屋嘅第三间店，仲有一间晌观塘。店内装修简约，木纹间条木枱，皮椅，一排卡位亦都宽敞，难得地方阔落，唔焗促。打开餐牌都有啲花多眼乱，咖喱款式极之多，要试匀真系一个月都试唔晒，不过细心睇，大致可分为三类：第一类占大多数，多达近30款，就系简单嘅单𩠌咖喱饭，单价由$50-$70；第二类，有7款，就系奄列咖喱饭，单价由$60-$70；而占少数只得3款，就系焗咖喱饭，单价全部都系卖$70。每款主食可以加钱配其他嘢，包括：例汤、迷你沙律、甜品同饮品（非酒精类），加$15可选两项，加$20选三项，加$25就可以
晌吉之岛走咗一个圈，真系几多选择，不过日式偏多，如大户屋、Pokka、板长……，最后拣咗CoCo壹番屋，一来记得尖沙咀新港中心嘅CoCo壹番屋都几人气，值搏率高；二来好想食咖喱，所以揾间专门店较稳阵；三来唔想人家太破费，CoCo壹番屋就比较实惠啲喇。原来依间都系CoCo壹番屋嘅第三间店，仲有一间晌观塘。
店内装修简约，木纹间条木枱，皮椅，一排卡位亦都宽敞，难得地方阔落，唔焗促。打开餐牌都有啲花多眼乱，咖喱款式极之多，要试匀真系一个月都试唔晒，不过细心睇，大致可分为三类：第一类占大多数，多达近30款，就系简单嘅单𩠌咖喱饭，单价由$50-$70；第二类，有7款，就系奄列咖喱饭，单价由$60-$70；而占少数只得3款，就系焗咖喱饭，单价全部都系卖$70。
每款主食可以加钱配其他嘢，包括：例汤、迷你沙律、甜品同饮品（非酒精类），加$15可选两项，加$20选三项，加$25就可以要齐四项。此外，咖喱酱可以拣辣同唔辣，要辣嘅又有由少辣到5分辣，点知饭嘅份量都有得拣，餐牌个价格系300g份量，要200g可减$5，相反，要每多100g就加$10，最多去到600g饭。仲有，好多其实配料选择，成30多款，如茄子、粟米、烟肉、蚬肉、炸虾、秋葵豆腐、炸忌廉……等等，由$10-$35，弹性大咗，但加吓加吓碟饭可能成旧水都有，随时成碟变咗大杂会咖喱饭。此外，佢哋仲提供几款散叫沙律，都系廿零三十蚊一客。
忌廉鸡肉奄列咖喱饭 $65小弟就要咗依个忌廉鸡肉奄列咖喱饭，加$25要齐例汤、迷你沙律、饮品、甜品。
例汤，今晚系洋葱汤，外观有啲惊吓，因为油光泛面，一望落去汤面成层油咁，要滔咁啲油才稍为饮得安心，味道都OK嘅，几浓洋葱味，但感觉就唔太健康。
迷你沙律，有沙律菜、车厘茄、青瓜同粟米粒，可拣芝麻汁或豉油汁，我就要芝麻汁，味道香啲，而各种蔬菜都几清爽。
饮品，冻柠茶，大大杯，无咩意见。甜品，注明系Dreyer’s雪糕球两个，味道无得拣，系士多啤梨同云喱拿曲奇，睇落啲雪糕系溶咗再雪返嘅模样，而且连个雪糕杯都冻到起雾，即系「笔」定晒一杯杯雪住，制作整之唔专业兼求其。
忌廉鸡肉奄列咖喱饭，系属于无包底嘅奄列饭，属新派做法，将煎好嘅流心滑蛋冚上饭面，唔系以煎好嘅薄蛋皮包住啲饭。咖喱确实几辛香，微微辣，少少甜，不过果然咖喱酱汁多如汤咁，成碟咖喱汤饭，名不虚传，加埋鲜忌廉，滑溜啲之余仲觉得咖喱香突出啲。而饭粒煮得好，饭粒黏糯又唔烂，搭住咖喱汁同少少滑蛋，几匹配，不过就真系好少好少鸡肉啰！
吉列猪扒咖喱饭 $65同样又系「咖喱汤饭」嘅代表作，咖喱汁多得紧要，以「血流成河」嚟形容都唔算夸张。而吉列猪扒嘅份量相比起个忌廉鸡肉就多好多，一大件吉列猪扒，炸得几对板。小弟无试过，只系问番老友食完觉得点，佢话唔错，外层炸得几脆，肉质都颇为松软，只系略嫌有啲干身。饭粒有咬口，咖喱辛辣度较温和，恰到好处，捞饭确实惹味非常。
红酒烩牛肉奄列饭 $70佢位夫人就拣咗个非咖喱类嘅奄列饭，亦系全店唯一一款无咖喱嘅饭，摆晌属奄列咖喱饭𠮶栏，不过，红酒汁依样倒满碟，而牛肉粒亦都唔系好多，即系逢奄列饭系列，𩠌料都会系偏少。红酒烩牛肉，色泽深红，滔咗一小匙羹试试味，口感几柔滑，红酒味唔太浓重，易入口。
张贴
