潮發粥麵茶餐廳

营业中

休息中

约咗个friend去尖沙咀攞嘢，佢啱啱去完日本，帮我买咗好多野返黎，真系好鬼重，好彩我攞定个大袋去。连duty free嘅酒都帮我买到，真系要请佢食呢餐。约咗去佢公司附近，佢话想食云吞粉面𠮶类，有间潮发佢平时都有食开嘅，所以问下我食唔食，咁我实无问题喇。我叫咗个咖喱牛腩饭，饭嘅份量好多，一大碟，我都食唔晒。D白饭嘅质感都唔错，唔会太腍，一patpat咁我最唔钟意食。咖喱够香浓，牛腩松软，应该同煮牛腩面嘅原料一样，肉质都几好。加上红萝卜及薯仔，啱晒捞饭食。