吉利尼 (已結業)

突然之间想食叻沙嘅话多数都会谂起呢间吉尼利，我觉得佢虽然都系连锁店，但系好食过另一间xx工坊。今日叫左一个传统嘅叻沙同埋肥牛叻沙，另外再加多个咖央多士同一杯薏米水。传统嘅叻沙有鱼片、虾、豆卜同埋蛋。至于另一个肥牛叻沙无左鱼片同埋虾，但就变左做肥牛。肥牛嘅份量望落都算多，而佢嘅汤底我觉得比xx工坊浓少少嘅。今日个汤底嘅味道同平时食嘅系一样味，但系唔知点解汤嘅份量就好似少左d！至于个咖央多士味道正常，中间都系有一大片牛油，美中不足系佢唔够热，热番少少应该会好食好多！食完d浓味野，当然要配番杯薏米水下下火啦！