哈豆

营业中

休息中

星期一嘅晏昼选择同朋友嚟呢度afternoon tea, 好耐之前都嚟食过1次～ 印象之中都唔差嘅，我又好想食台湾菜，就过左嚟哈豆喇！😀嗌左个下午茶餐“鸡翅肉燥饭”😋，啲肉燥系几好食嘅！几惹味，但如果多啲肉燥就更好喇！略嫌个饭有d小，同埋鸡翼得1只😅 至于个台湾肠都几好食，盐酥鸡都唔错🤤 同平时出面嘅台湾小食差唔多水准👍 叫左杯豆浆红茶，出奇地茶同豆浆个配搭几夹几好饮㖞，又饮到浓嘅豆浆味同时又有茶嘅清香，真系唔错👍👍最正嘅都系个芋泥toast🥳 啲芋泥蓉算系小甜几啱我，而且个奶冻都好弹😍 个包嘅皮都好香啊，甜甜地几好食！我觉得呢个餐系最好食嘅！😋我应该会再返嚟食嘅😛