榮基牛雜粉麵

营业中

休息中

我一直都系牛魔王，至钟意食牛肉！记得细细个𠮶时，爸爸因为钟意面食多于米饭，所以成日带我去唔同嘅面店食面。老派面店分云吞面店同埋牛腩牛什面店，牛腩又分为清汤腩同柱候腩两大门派！牛腩牛什面店有个超长嘅菜牌，将牛内脏仔细分类，基本上所有牛嘅内脏都有。可惜呢类旧式面店已经消失。而家嘅牛什只有几款冇以前咁多喇！讲咗咁长嘅开场白 ，系想介绍一下九龙湾一家守住传统做法嘅面店 - 荣基牛杂粉面。荣基啲牛腩系柱候腩，牛腩肥瘦适中，肥瘦均匀。牛腩用特制嘅柱候酱炆到好淋好入味，牛腩好新鲜，牛味超浓郁，仲要唔黏牙。如果想贪心啲食齐牛腩、牛筋、金钱肚嘅话，咁叫牛三宝就啱晒喇！牛筋切到一口size，炆到啱啱好，唔会太淋又唔会又韧又硬，但仍然保留软滑弹牙嘅口感 金钱肚爽口弹牙又入味，同牛腩一样唔黏牙 荣基嘅牛什同牛腩同样出名！牛什份量好足，有齐牛膀、牛肺、牛肚、金钱肚、牛大肠，牛粉赐。一次满足对牛内脏嘅欲望荣基用嘅面每个二両，份量较少，男士一般都要加底。店内有饭食，牛腩饭亦广受男士们热爱 店舖面积细，只可以摆到几张细枱，约16位食客，所以午饭时间就非常繁忙。店员迫不得已赶客执枱，系名副其实嘅"速食" ！虽然心有不甘