榮基牛雜粉麵

营业中

休息中

食物不錯，但侍應不太有禮貌，像啞了一般，付款後多謝也沒有一句。可能有朋友認為普通粉面檔服務不能要求太多，但食客落單俾錢有講唔該，都係付錢消費，對方回應一句謝謝，一是服務要求，二是互相尊重。我有向他們表示連一句謝謝也沒有回，他們的回應是：咁多謝囉（高音），就是自己錯了還認為問題在對方一般。

店面比較細嘅潮州粉面店，位置也都比較少，如果係繁忙時間過來食嘅話可能就要等一陣了。粉面嘅分量唔係好多，一個普通食量嘅女仔啱啱夠飽。魚蛋應該係自家制作，冇雪味之餘都十分爽口彈牙，牛雜係我每次來都會叫嘅，煮得非常入味，牛肚有咬口，牛旁粉糯好味！

只要係趕時間想食個快飯，我就一定會去食粥粉麵，貪佢快靚正。今次帶埋朋友仔一齊黎食，呢間真係抵食夾大件。✨魚片米魚片夠爽口，米粉唔會煮過淋， 湯底清清地唔錯。.✨牛腩河牛腩偏肥，但極有牛味，湯底濃郁，幼河粉好食。.🏠 榮基牛什粉麵🛤️ 九龍灣宏光道80號麗晶商場地下G10號舖-----

一個人lunch 我都會食得好簡單。呢間舖仔細細， 卻係我每次黎附近既心水之選。✨淨雲吞+芥蘭雲吞大大粒，入口唔會散收收，亦都食到大地魚味，再加碟芥蘭，已經好飽肚。.🏠 榮基牛什粉麵🛤️ 九龍灣宏光道80號麗晶商場地下G10號舖----

事原星期日去探住係啟德家姐，探望完後回程時不忘搵下附近有咩美食，行行下去到麗晶商場，諗住入去睇下有咩食喇，點知見到好多人排隊叫牛雜，就諗住試下喇，店舖坐位不多，只有幾張枱，但排隊人數不少，排左10分鐘到，終於有位坐，但全部要搭枱，好喇，之後叫左個牛根腩河，上菜都算快，賣樣好吸引，牛腩肥瘦適中，數量都算多，湯汁香濃，河粉挺身，唔會一夾就斷，牛根香淋，好有膠質，講返牛腩切到大細適中，一啖咬落去，齒夾流香，肉質細緻，簡直人間極度價錢合理，下次再去探家姐，一定留肚，再整返碗黎食

我一直都係牛魔王，至鍾意食牛肉！記得細細個嗰時，爸爸因為鍾意麵食多於米飯，所以成日帶我去唔同嘅麵店食麵。老派麵店分雲吞麵店同埋牛腩牛什麵店，牛腩又分為清湯腩同柱候腩兩大門派！牛腩牛什麵店有個超長嘅菜牌，將牛內臟仔細分類，基本上所有牛嘅內臟都有。可惜呢類舊式麵店已經消失。而家嘅牛什只有幾款冇以前咁多喇！講咗咁長嘅開場白 ，係想介紹一下九龍灣一家守住傳統做法嘅麵店 - 榮基牛雜粉麵。榮基啲牛腩係柱候腩，牛腩肥瘦適中，肥瘦均勻。牛腩用特製嘅柱候醬炆到好淋好入味，牛腩好新鮮，牛味超濃郁，仲要唔黏牙。如果想貪心啲食齊牛腩、牛筋、金錢肚嘅話，咁叫牛三寶就啱晒喇！牛筋切到一口size，炆到啱啱好，唔會太淋又唔會又韌又硬，但仍然保留軟滑彈牙嘅口感 金錢肚爽口彈牙又入味，同牛腩一樣唔黏牙 榮基嘅牛什同牛腩同樣出名！牛什份量好足，有齊牛膀、牛肺、牛肚、金錢肚、牛大腸，牛粉賜。一次滿足對牛內臟嘅慾望榮基用嘅麵每個二両，份量較少，男士一般都要加底。店內有飯食，牛腩飯亦廣受男士們熱愛 店舖面積細，只可以擺到幾張細枱，約16位食客，所以午飯時間就非常繁忙。店員迫不得已趕客執枱，係名副其實嘅"速食" ！雖然心有不甘

大圍隆亨街市這一間榮基牛雜一向都十分出名， 今天我就慕名而來一試。後面不大，大概可以坐20個客人。 街坊、學生、老人家都是餐廳的常客。從餐牌可見一碗麵大概30元， 雙拼加7元， 餐廳招牌除了牛腩、牛雜外， 魚蛋也墨魚丸也是推介。 之前買過魚蛋和墨魚丸回家， 材料都十分好而且夠大粒亦十分彈牙！今天試食牛肚麵， 麵底沒有鹼水味， 牛肚和湯都味道適中不會太鹹。 牛頭清潔得很乾淨沒有多餘的脂肪黐在牛肚上跟餐加11元有油菜一碟， 份量不會很大但足夠一個人吃 ，熱飲也只需要加五元，十分抵食。

粉麵檔係身為香港人必定會幫襯既店舖，亦係香港本地一大特色，除左車仔麵，點少得嘆返碗牛腩？今次幫襯呢間係友人介紹，話長期都滿座，其實就好唔就腳，基本上你唔會特登走過黎，因為佢係住宅商場入面，我都係食之前Google下先知原來有分店咁厲害，以為純粹一間自家經營小店，去開九龍灣先過黎食。麵檔位於一個屋苑既商場(麗晶商場)，真係正常人都唔會特登走過黎食，店面好細間，得數張枱，是日星期六都好full，好彩岩岩仲有2個位。食物選擇睇店名就知道係主打牛，價錢唔算太貴，加凍飲加$5正常價。兩碗粉麵再加野食$65五香牛什  $30我咩都食，就緊係揀牛雜，有牛肚、牛腩、牛筋同牛肺，先試個湯底，比較清，腩汁味冇乜，似普通車仔麵湯底，而牛方面，對我而言，我覺得所有牛都有2個問題，就係太咸同冇乜牛味，由其是牛腩，入口就係得個咸字，其他都口感都係正常但偏咸。招牌牛腩　$30女朋友就點左碗招牌牛腩，佢就好覺得好好食，因為牛腩好鬆軟但有啲肥膏，佢話雖然係有啲咸，但都幾正。凍奶茶　跟餐+$5正正常常，比較茶味重，澀少少，中意奶重既未必岩你。食完之後，我地兩個都好口渴，有冇加味精落湯底我地唔敢判定，女友就覺得唔錯幾好食，

九龍灣的消費向來高，要是每天出外食那午餐費真的太貴了⋯⋯幸好也是有對應平民的好味小店。這間在九龍灣的麵店，質素不錯價錢也是地道，是較適合大家在普通日子的飯店選擇。湯粉最重要之一是湯底，這湯底不會太咸一喝就覺是味精，挺香濃的，另外會受湯底影響的配料，就是粉上的主食--牛肉之類。這間還入味且煮得挺軟熟，粉也不會太軟爛，煮的時間控制得還好，所以整體來說是間不錯的麵店。不錯不錯。有機會會再來試其他配菜的麵～

雖然經常周圍食，但食評真係唔會間間寫，皆因果D大家都一清二楚咩品質都唔會再睇食評決定去否，其次都幾百個讚既餐廳，寫左都唔慌有人睇到啦，所以D細舗平民食店就最鍾意埋手落墨。廢話講完講依間野食先，雖然坊間既牛腩雲吞店多不勝數，但行得多睇得多自然會有種觸覺初步FEEL到間野伏唔伏，而依間睇落就似踏踏實實冇中伏。左望加望街坊大多幫襯牛腩，就整碗黎試試啦。一上枱，牛腩數目收貨，係略嫌以為牛腩河唔洗叫加色會有腩汁架啦，清湯咁，不過依排食得油膩野多，既然咁上清就清啦!一口試舊牛腩，嘩!堅OK，讀得書少，牛腩形容詞窮，只能講成好像叉燒半肥瘦的黃金比例咁，咬落肥而不膩，肉質口感一流，甚至好過我既至愛「茶木既紅燒牛肉麪」添囉，只係佢味道都係做番傳統牛腩面既風味，假若湯底面底改改，一定更上一層樓講到賣廣告咁誇添，不過下次我會考慮買盒牛腩外賣自己係屋企自己煮面，咁先係PERFECT MATCH