NEXT Shikaku (已結業)

一直都想试呢间Next Shikaku牡蛎白汤面，餐单只提供三款面食，除咗牡蛎白汤面，仲有牡蛎清汤面同沾面。由于喜欢鸡白汤，我毫不犹豫选择咗牡蛎白汤面。头两啖饮个汤底系几有蚝味，见到将啲蚝打成碎粒，面质亦算弹牙，但个汤底就愈食愈咸，我最后都食剩咗啲面，亦饮唔晒啲汤。块叉烧系几厚下，但唔算甘香，如果将块叉烧炙烧，我谂会好味好多。仲有两只好细好瘦弱嘅蚝，亦唔系好食。性价比好低，一碗面连加一都要$170有多，试过就算。