影片
更多
2017-07-20
478 浏览
呢条巷仔虽然行过好多次,但真系冇乜食过里面嘅餐厅.今日本来谂住远征,但行到呢条街𠮶阵𠮶天越来越黑,即系个天要我喺呢度食饭啦,就即刻中左入呢间餐厅喇.咁门口𠮶两张枱各有一张办公椅,虽然残旧,但睇落仲舒服过我返工坐𠮶张,当然即时霸咗佢啦.以茶餐厅嚟讲,呢度非常静,冇乜人倾偈.角落头摆咗个又细又有好重雪花嘅厚电视,听下声就好,睇得耐会好伤眼.门口摆咗啲蛋卷放售,好似唔系出名嘅牌子.叫咗个虾酱蒸腩肉,等咗超过十分钟,追咗两次单都话蒸紧.再等多几分钟先畀碗餐汤饮下.睇餐牌话系西洋菜煲猪骨,但系唔啱味㖞,而且我净系见到白菜啫.当系白菜汤,又净系得淡淡嘅咸味,到底系乜嘢汤呢?虾酱蒸腩肉终于到啦,虾酱味几重,非常咸,成个碟底都系油.其中几片腩肉有8成都系肥膏.虽然点呢个𩠌都预咗系咸同埋油腻,但真系畀我食过嘅任何虾酱腩肉都要重口味同埋油啰.为健康著想,下次(如有)都系叫第二个𩠌好啲喇.
汤
68 浏览
0 赞好
0 留言
虾酱蒸腩肉
45 浏览
0 赞好
0 留言
张贴
