影片
更多
2017-05-06
616 浏览
五一劳动节就梗喺要劳动吓，趁未到盛夏，天气仲喺廿度松啲，约咗朋友行吓山，由城门行去金山，正正喺衞奕信径第6段，全程5.3公里，上山落山多，平路少，有啲挑战性，唯一缺点喺无乜景，但胜在树荫多，唔使点晒住行。搭埋头头尾尾出入口位，成段路慢慢行，行咗3个钟，大家都够晒皮，再落番沙田食嘢。都几年无嚟「甜入心」，都喺知道佢哋新加咗啲咸食，专登顺路入嚟撑吓朋友场。所以，午市嚟到，都见有唔少客帮衬，相信好多客同我一样，食啲咸点后再试佢哋甜品，始终，佢哋嘅甜点一向有水准。芒芒不忙 $28行完山就梗喺要补充多啲水份，芒果一向喺「飞弗」，本来喺想要杯冻鲜奶咖啡，可惜话部咖啡机有问题，无得供应，所以，要杯「芒芒不忙」，其实即喺芒果汁，不过，就加入啲咬口嘅水晶珠，而个芒果汁嘅芒果味鲜甜浓郁，但有些微偏甜。北极光 $28友人嘅「北极光」卖相极之靓，紫紫红红，有少少极光感㖞，不过，味道又唔算好特别，辨别唔到咩味，只可以讲喺酸酸甜甜，清凉得嚟有啲似梳打饮品，底下同样有啲水晶珠。咸食方面，多咗几款意粉、全日早餐及班尼迪蛋，定价$58-$78，都唔算贵，当然，如有啲加餐饮嘅优惠就更好啦，哈哈！全日早餐 $68从餐牌所见
都几年无嚟「甜入心」，都喺知道佢哋新加咗啲咸食，专登顺路入嚟撑吓朋友场。所以，午市嚟到，都见有唔少客帮衬，相信好多客同我一样，食啲咸点后再试佢哋甜品，始终，佢哋嘅甜点一向有水准。
芒芒不忙 $28行完山就梗喺要补充多啲水份，芒果一向喺「飞弗」，本来喺想要杯冻鲜奶咖啡，可惜话部咖啡机有问题，无得供应，所以，要杯「芒芒不忙」，其实即喺芒果汁，不过，就加入啲咬口嘅水晶珠，而个芒果汁嘅芒果味鲜甜浓郁，但有些微偏甜。
北极光 $28友人嘅「北极光」卖相极之靓，紫紫红红，有少少极光感㖞，不过，味道又唔算好特别，辨别唔到咩味，只可以讲喺酸酸甜甜，清凉得嚟有啲似梳打饮品，底下同样有啲水晶珠。
咸食方面，多咗几款意粉、全日早餐及班尼迪蛋，定价$58-$78，都唔算贵，当然，如有啲加餐饮嘅优惠就更好啦，哈哈！
全日早餐 $68从餐牌所见，都已经几丰富，卖$68都觉得几抵食。成份「早餐」有齐芒果汁沙律菜、烟肉、牛油多士、车厘茄、猪肉肠、黑松露炒蛋、蜜瓜及茄汁豆，而仲有一客椰奶焦糖布甸喺餐牌嘅相片无，即喺额外奉送，抵得无嘢讲。啲沙律菜几清爽，淋上芒果汁就自然升级咗；烟肉都喺肉多过肥膏嘅货色，煎得甘香；牛油多士脆到不得了；黑松露炒蛋够嫩滑，又充满黑松露嘅幽香；焦糖布甸好好食，香滑富蛋香，微微焦糖香混和椰奶，够晒正。
蜜桃鸭胸班尼迪蛋 $78个班尼迪蛋卖相几清爽，因为伴上唔少沙律菜，同样淋上清甜嘅芒果汁，不过，啲沙律菜可以唔使刴得太细碎，食起嚟较为碎湿湿。而两件班尼迪蛋以美式松饼做底，加入蜜桃片及烟鸭胸，味道都算夹，而惊喜位喺仲加咗啲菠菜晌鸭胸下面，口感再多层次啲；蛋面嘅荷兰汁亦做得唔错，但最失望喺只蛋煮过笼，变成溏心蛋。
榴梿飘香椰皇子 $56甜品只喺点个招牌嘅椰皇子共享，因为之前已试过佢啲椰皇子，好嘢不妨再「安哥」，但就选加入榴梿嘅榴梿飘香椰皇子。榴梿果肉唔算多，亦唔算少，但浓香软绵，面头又见水晶珠。下层喺以椰皇水做嘅果冻，冰凉清爽，味道清甜；仲有唔好错过椰皇内嘅果肉食，皆因清甜好食。
榴梿飘香椰皇子
$56
38 浏览
1 赞好
0 留言
张贴
