夏雪 (已結業)

由西环开到黎大围，再见到原来西环果个已经执左，要食夏雪就只可以系大围食到喇。夏雪一直sell嘅系佢嘅窝夫，一入门口，我地就已经闻到好大阵窝夫味，令人食欲大增。今日一行两人都唔系好饿，就叫左两个野食，一咸一甜。咸食好好味，窝夫有一贯水准，另外啲大茄都好好食，食落都好juicy，而且系bite size，唔驶再切。惊喜嘅系个「焗薯」，佢同我地想像中有进入，食落有啲似ikea个芝士蔬菜薯饼，但我觉得呢个仲好食啲。其他野都系正常发挥。甜方面，我地冇叫平时常食一整份嘅窝夫，呢个窝夫似系平时半份咁。原先我以为佢会好似店入面嘅芝麻、绿茶、咖啡窝夫咁，系个窝夫本身就系杂莓味，但原来系原味窝夫加啲杂莓系上面。但佢个云呢拿味雪糕系好食嘅，食得出唔系cheap cheap个种。我地仲叫左两杯野饮，但唔记得影相，而且我觉得夏雪啲野饮系一般般。总括黎讲，我觉得如果大家想特别啲，大家就要叫啲非原味嘅窝夫。