影片
更多
2014-07-20
1937 浏览
曾经何时周围试cafe系我同陈生嘅兴趣，因为我真系好钟意甜品同咖啡呢~不过近年非连锁式cafe越来越少，于是我地就将呢个兴趣转移到去旅行时揾啦，例如十分流行cafe文化的台湾、韩国，环境舒适食物又有质素，最紧要服务亲切﹗要喺香港揾有质素嘅cafe其实都几难呢﹗早前经朋友介绍，先知道位于湾仔巷弄之中自成一角嘅Empress Cafe﹗Empress Cafe不算大，左边open kitchen已经占店面一半，右边系两大张长枱，每日只能接待少量客人，绝非一般生意人会咁做! 只因老板希望带俾客人有质素的食物及体验~ 装修及摆设走我最爱的vintage风，特别喜欢门外果张长椅﹗仲有open kitchen墙上嘅钟呢~呢度即叫即制，所以建议去到唔好挂住两头望，要快D叫野食先~呢度有All Day Breakfast、pasta、waffle，价钱喺湾仔区嚟讲好合理，甚至算平﹗饮品亦好精彩~花茶咖啡都有好多选择﹗本来想饮咖啡，不过见到花茶用咁靓嘅杯载住忍唔住要一杯玫瑰普洱茶啦~比平时饮茶果D普洱较清淡，但入口顺滑带清幽玫瑰香气，有少少甜，原来落左玫瑰syrup!当晚试左几款signature di
早前经朋友介绍，先知道位于湾仔巷弄之中自成一角嘅Empress Cafe﹗
Empress Cafe不算大，左边open kitchen已经占店面一半，右边系两大张长枱，每日只能接待少量客人，绝非一般生意人会咁做! 只因老板希望带俾客人有质素的食物及体验~ 装修及摆设走我最爱的vintage风，特别喜欢门外果张长椅﹗仲有open kitchen墙上嘅钟呢~
呢度即叫即制，所以建议去到唔好挂住两头望，要快D叫野食先~呢度有All Day Breakfast、pasta、waffle，价钱喺湾仔区嚟讲好合理，甚至算平﹗
饮品亦好精彩~花茶咖啡都有好多选择﹗本来想饮咖啡，不过见到花茶用咁靓嘅杯载住忍唔住要一杯玫瑰普洱茶啦~比平时饮茶果D普洱较清淡，但入口顺滑带清幽玫瑰香气，有少少甜，原来落左玫瑰syrup!
当晚试左几款signature dish!先嚟一个Risotto，橙橙黄黄以为系南瓜？其实系鲜虾芒果椰汁意大利饭﹗相信灵感系嚟自芒果椰汁饭吧~ Risotto算系较硬身，唔会太lum，有嚼劲。不过唔知点解有少少苦涩味，类似香茅果种；芒果就非常鲜甜，虾亦都好新鲜﹗最好每一口都有齐呢几样食物，味道会更丰富!
跟住呢个蓝莓意大利饭配大草菇更有惊喜﹗意大利饭之所以紫色，系因为用上新鲜蓝莓而唔系现成果酱﹗鲜蓝莓好贵的呀!! 老板为左美味真系落重本!!加入蓝莓做risotto呢个idea已经好新颖，味道系点呢~？只是非常微的酸，但仍然保留蓝莓的鲜甜，好好味架呢~果只大菇亦鲜味十足同好juicy! 我平时唔系好食菇，都觉得佢好好食~
Pasta亦系呢度嘅主角之一，香辣墨西哥青椒汁沙拉美肠天使面辣味刚刚好，不会太抢，好惹味﹗青椒汁其实都唔系好有青椒的苦涩味，如果可以再加d香草味就更好了~
嘿嘿﹗跟住落嚟就系劲多Waffle呀﹗下？咁快食甜品？边个话Waffle一定系甜架~先嚟两客咸Waffle啦~经典窝夫配香草意式肉酱其实好有茶记「窝蛋牛肉饭」嘅韵味﹗先试一口原味窝夫，系我最爱嘅浓浓蛋香﹗少少甜，外脆内软~沾上微酸又好有家庭风味嘅香草意式肉酱，感觉都几新鲜~
大家一边分享著，一边等待新鲜即制嘅下一道菜~好快就有热腾腾嘅火腿芝士飞碟窝夫啦~
表面上看似原味窝夫，一切开就有惊喜了﹗原理就同飞碟三文治一样，中间夹左芝士同ham，经过热力之下，中间嘅车打芝士系半溶架呢﹗个人认为芝士味同窝夫比较夹，所以咸窝夫类我比较喜欢呢个~
甜点要来了~~呢个Top Shot似咩呢？系pac-man食鬼呀~窝夫甜品其实唔洗太花巧，加少少朱古力酱，每一口先沾上Dryer's雪糕，窝夫的热力瞬间将雪糕溶化，窝夫吸收左冰冻嘅雪糕，一咬落去"唧"出甜甜的雪糕~太美味了~
除左雪糕，莓类都系窝夫嘅好朋友﹗杂莓窝夫三文治造型已经令女生尖叫﹗新鲜杂莓加上cream同雪糕又酸又甜，你会好自然地一口接一口食左佢~忘记咩野叫肥吧啦~~
最后呢个甜品正式嘅名已经唔记得左~ 就叫佢做「名副其实咖啡雪糕」吧﹗一式两件：1杯Espresso+1杯雪糕~ 食用方法就系将热腾腾嘅Espresso倒入冻冰冰嘅雪糕上，雪糕慢慢被咖啡嘅热力溶化但又未溶得哂﹗不过都要快手食啦~ 每一啖又冻又滑嘅雪糕都混合著香浓咖啡味，比任何一个牌子嘅咖啡味雪糕都嚟得更「咖啡」!! 继窝夫之后又一要再食嘅甜品!!
题外话/补充资料：
餐厅枱数不多，有时又会俾人包左场做private party，所以建设事先预约，以免白行一趟
(以上食记乃用户个人意见 , 并不代表OpenRice之观点。)
张贴
