樂天客棧 (已結業)

平时唔多去到奥海城食晚饭，呢一晚黎到食中菜，整体感觉都令到我地好满意。食饭之前先有泰式凤爪作小食，酸辣味道够晒入味，但又唔会太过份，开胃醒神。食完主菜后，当然要叫返几味撚手小菜。姜葱鸵鸟肉，够晒获条，上菜时够晒香喷喷，而鸵鸟肉炒得好嫩口，一啲都唔鞋，啖啖肉送饭就最正!锅香豆腐虾球，啫啫沙窝令到整碟小菜保持著温度，加上弹牙爽口嘅虾球，同埋嫩滑嘅豆腐，又系令人出色小菜。最后有当归云耳蒸鲈鱼片，咁多真材实料嘅配料，烹调出黎嘅味道必然系够晒层次。而鲈鱼片够厚切，鲜味十足，品尝嘅时候再点点酱汁，简直系一流享受。