NINETYs Roastery

营业中

休息中

铜锣湾闹市中嘅靓装cafe－将植物融入设计、玻璃窗采光度十足，感觉悠闲，系个品味咖啡嘅好地方😌下午嚟到除咗咖啡外仲有casual / fine lunch，试下依碗「销魂饭」－叉烧用美国梅头肉，经慢煮12个钟再搽蜜糖煎，厚切肥瘦分明，加两只太阳蛋，仲有伴碟但烤得好好味嘅车厘茄，酱汁多啲捞饭就更正～冻稻亭乌冬更有特色－刺身级嘅带子、油甘鱼切粒加三文鱼籽，用热情果香醋伴匀，食落好清新啱晒夏天！夹埋墨鱼汁脆脆食口感又唔同，亦可以淋上旁边熬到奶白色嘅冻鱼汤，味道更浓郁。Cafe亦有引入其他小店嘅bakery同曲奇，今次食咗Sugarism嘅Dark Chocolate Cookie，系超－大－块！曲奇可以加热食，半溶嘅黑朱古力同合桃依个组合好夹，好邪恶啊🤤NINETYs有自家嘅Roastery，佢地嘅Fruity Blend喺Coffee Review上拎到95分高分，对咖啡非常讲究，仲会配上小卡片介绍每种blend嘅成份。Choco Blend会配上蓝莓干，nutty啲口感醇厚。微酸嘅Fruity Blend就配上杏仁，店员介绍先食杏仁再饮啖咖啡，可以更易品尝到咖啡嘅味道同层次。