潮牛腩

营业中

休息中

要揾一间用心去烹煮清汤粉面嘅舖头真系唔容易！而听讲过呢间餐厅好有heart ，用心程度去到自家制作各种酱料，令到菜式嘅食物味道更升华。食完发现味道的确唔错，值得再encore～✎ 萝卜炆牛腩饭 萝卜好香腍同好入味，带饭食一流。牛腩较多瘦肉，相对烟靭少少。饭嘅质感干湿恰好，软硬适中。整体味道都算几惹味´꒳`✎ 猪蹄筋河粉猪蹄筋弹牙有咬口，萝卜好稔身，河粉嫩滑，清汤嘅味道香浓而不腻。✎ 咖喱鱼蛋 鱼蛋有五粒，几Q弹滑嫩，淋上佢哋自家秘制嘅酱料，入口相当香口香辣，为鱼蛋略添滋味～✎ 豉油皇鸡翼尖 都有10几只，重卤水味，鲜味多汁！✎ 冻西洋菜蜜 菜蜜味劲浓，甜滋滋⁎⁍̴̛ᴗ⁍̴̛⁎冰唔算多。✎ 冻柠檬茶 茶味好出，甜香～同样唔多冰。