小曼谷海鮮燒烤屋

营业中

休息中

成日听日讲九龙城好多出名泰国菜餐厅，成条街都系泰菜餐厅，所以可以慢慢拣，岩睇先入去。尼间环境大，灯光足。我地5点半左右入座冇book位，太早，得我地一枱。叫左牛油蒜蓉烧青口($10X)，芥兰炒猪颈肉($7X)，泰式烧牛仔骨($68)，油饭($18)，椰青($37)。青口有半打，全部都肥美大只，冇烧到变干。每只青口上面，都有大量牛油蒜蓉，炸香过既鱼干仔，脆卜卜。而且牛油味好重，食得辣既朋友，可以加d甜辣酱一齐食。食海鲜预左贵，不过餐厅加埋其他配料一齐烧，就冇咁单调。除左芥兰，仲有其他菜可以拣，亦都可以只系炒菜唔加𩠌，不过加猪颈肉都系贵几蚊。芥兰嫩身，而猪颈肉厚切入味，好过叫炭烧猪颈肉，因为尼碟又有菜又有肉。带有少少辣。牛仔骨一碟有3件，烧完一d都唔干身，仲好多肉汁，而且加左蜜糖烧，所以甜甜地。而且肉唔"鞋"口唔韧，难得。原本谂住叫椰青海鲜焗饭，点知侍应话冇，唯有点个油饭食。有白饭/油饭拣，油饭贵几蚊。油饭粒粒分明，不过碗既外边有d油，差d冼手。食开泰国菜都钟意叫椰青饮，除左有椰子水可以饮，仲可以挖d椰子肉黎食，玩得又食得，亦可以解辣。整体，其他特色既泰国料理冇食到，所以唔可以讲正唔正宗。