ChaTraMue Cafe

营业中

休息中

七一长假期阿仔阿女嘈住要饮泰茶、食泰茶雪糕、泰茶千层蛋糕，所以我哋一行四人专登由马鞍山去新城市广场第三期的 ChaTramue Cafe 食好嘢。 😁😁 今次系第三次黎食，我叫咗个鱼蛋肉碎汤河，汤底系鸡汤底，好鲜甜，有啲肉碎有少少通菜，加埋泰式鱼蛋，好好味。另外叫咗一个咖喱鸡包，啲咖喱好香浓，椰汁味好重，都几大个，够我哋一家四口食。 虾饼好弹牙，虾肉新鲜，炸得好香口。泰茶好饮就不在话下啦，阿仔最钟意佢个泰茶雪糕，真系好香浓、好滑口。泰茶千层蛋糕真系好高质，成廿几片，柔软可口，不失泰茶的浓香味，坦白呢到嘅泰茶千层蛋糕真系好出色，口感一食就知，好新鲜，软滑度非常高质，比起一啲名牌蛋糕店可能由中央厨房做永远好似都唔知雪藏咗几耐.。 整体我哋全家人都好钟意黎呢度食野，menu 简单，虽然不算太多，但品种吸引而质素高，加埋一都系$440，人均消费$110，不算太贵。侍应姐姐话中午有午餐及下午茶餐，我哋下次会再试。