春風三月 (已結業)

同男友人都好钟意饮手摇饮品，行过千色店见到后面新开左间，叫春风三月，好台式加日式嘅感觉，我地当然要买黎试下。男友人试左月贵妃，即系荔枝绿茶，荔枝同绿茶都系佢最爱，啱哂佢。喺杯入面有个茶包，饮落好清甜，虽然系茶包但茶味都够，唔错！我就试左梦幻果茶，叫左走冰少甜，入面又系有茶包，系士多啤梨同杂莓味，饮落似平时食𠮶只扁身红色好长嘅酸糖味，饮落一啲都唔甜，酸酸地，有好浓嘅莓味，好正，原本谂住加珍珠，但店员唔建议，唯有下次再试！