德美壽司

营业中

休息中

今日完成一个milestone，一定要庆祝下。餐厅以原木风格装修，好古香古色。估唔到晚上都提供套餐，平平地已经有沙律，汤同埋主食。烧牛舌，串烧火候掌握得好好，牛舌弹牙juice，用少少盐调味，已经可以食出食材本身鲜甜味。酱油渍鲭鱼刺身，好少见嘅刺身。鲭鱼预先用日式酱油腌制过，所以除咗酸甜味，仲有淡淡酱香味。刺身全部大件厚切，入口软嫩鲜甜。火炙左口鱼边寿司（2件），用火枪大火炙烧左口鱼边，逼出多余鱼油。鱼边嫩到入口即化，还带有少少焦香，简直系人间美味。三文鱼茶渍饭，哩间餐厅把饭做成饭团造型，顶上再加埋三文鱼肉同紫菜，最得意系日式高汤里面加入大量炸米。日式高汤汤底透彻，饮落柴鱼味好香浓，好正。米饭捞埋三文鱼肉同日式高汤，清甜爽口，全部食晒TIM。