莎娃迪卡 (已結業)

今日揾个朋友倾野系佐敦跟住周围行揾地方食野，跟住突然见到呢间餐厅朋友话好想食泰国野，今日咁岩见到就走左入去试下。跟住经侍应介绍，原来餐厅嘅装修好多野都系黎自泰国架，真系好有泰国嘅感觉，坐系度慢慢倾住偈等下野食都令人几舒服 青咖哩牛肉青咖哩啖啖都好幼滑又够香，而且份量岩岩好，牛肉够晒嫩身又够热，餐厅果然系即叫即整。蒜蓉包蒜蓉包入口要够脆，而且够晒热，份量亦都好足唔会太小，本身个味道点埋咖哩真系超级惹味，作为一个倾偈嘅小食真系唔错架。烤饼(薄荷饼)另外咖哩配合烤饼系一个绝配，餐厅嘅烤饼全部即叫即整，热辣辣嘅同时又够软身，咖哩香浓味道配合烤饼真系令人一试难忘泰国炒金边粉炒金边粉最紧要系够口感，呢个泰国炒金边粉厨师整得真系唔错，味道又够香浓同时真系好足料架，而且入口唔会咸，味道比一般更惹味一啲，金边粉嘅份量非常足。二个人食几样野已经食到饱晒，真系好满足，呢度价钱适中又就脚，揾日再黎食野试下其他先得