影片
更多
2014-12-25
395 浏览
圣诞又就快到，好多人都会打算食饭庆祝一下，如果同你讲去打鞭炉迎圣诞，会唔会感觉怪咗啲？不过，如果喺雪糕火锅，你又点睇呢？掹住食友车边，出席咗今个寒冬Haagen Dazs嘅欢乐派对，率先一尝多款为今个圣诞设计新推嘅雪糕甜品、饮品，以及一睹两款充满节日气氛嘅雪糕蛋糕，你准备好未？Let’s Party！皇室堡嘅Häagen-Dazs地方特别宽敞阔落，光洁明亮，一室圣诞布置，满有佳节气氛。睇见一柜十多款唔同口味嘅雪糕，以及唔同造型嘅雪糕蛋糕，已经好期待一阵新推嘅甜品及饮品！今次所推出嘅4款应节雪糕甜品（$106起）包括：飘雪圣诞梦、圣诞狂想曲、璀璨冬日及佳节献礼，款款设计独特，卖相立体且有心思。飘雪圣诞梦圣诞节又点可以无雪人呢？「飘雪圣诞梦」以两球浓香软滑嘅牛乳雪糕堆砌出造型可爱嘅小雪人，衬以法式焦糖炖蛋配仲夏野莓雪糕，营造出一份冬日暖意嘅感觉。焦糖炖蛋做得不俗，焦糖面颇焦脆，但做嘅范围略嫌少，炖蛋挺实甜美富蛋香。如果，晌雪人头上加顶士多啤梨「小红帽」就更别致。圣诞狂想曲你嘅圣诞狂想曲会喺点嘅？HD嘅狂想曲就以全新口味嘅焦糖香橙佛罗伦斯雪糕，加埋士多啤梨芝士饼、仲夏野莓、抹茶雪糕球，朱古力
皇室堡嘅Häagen-Dazs地方特别宽敞阔落，光洁明亮，一室圣诞布置，满有佳节气氛。
睇见一柜十多款唔同口味嘅雪糕，以及唔同造型嘅雪糕蛋糕，已经好期待一阵新推嘅甜品及饮品！今次所推出嘅4款应节雪糕甜品（$106起）包括：飘雪圣诞梦、圣诞狂想曲、璀璨冬日及佳节献礼，款款设计独特，卖相立体且有心思。
飘雪圣诞梦圣诞节又点可以无雪人呢？「飘雪圣诞梦」以两球浓香软滑嘅牛乳雪糕堆砌出造型可爱嘅小雪人，衬以法式焦糖炖蛋配仲夏野莓雪糕，营造出一份冬日暖意嘅感觉。焦糖炖蛋做得不俗，焦糖面颇焦脆，但做嘅范围略嫌少，炖蛋挺实甜美富蛋香。如果，晌雪人头上加顶士多啤梨「小红帽」就更别致。
圣诞狂想曲你嘅圣诞狂想曲会喺点嘅？HD嘅狂想曲就以全新口味嘅焦糖香橙佛罗伦斯雪糕，加埋士多啤梨芝士饼、仲夏野莓、抹茶雪糕球，朱古力片，以及厚厚嘅花形芒果雪糕砖所谱奏而成，味道纷陈，绝对喺一份雪糕狂「尝」曲。焦糖香橙片，同小「士的」，令诞狂想多添一份圣诞美意。
璀璨冬日HD本身有一款堂食甜品「月影迷情」，3球雪糕配以蜜糖烤香蕉、朱古力布朗尼蛋糕及棉花糖，而依个「璀璨冬日」跟「月影迷情」如出一辙，只喺多咗块圣诞快乐朱古力牌及树叶形朱古力，所以，喺几款甜品中，创意较hea嘅一款。与其成只香蕉船咁款，不如考虑吓幻化成一架鹿车。还好喺香蕉做到有焦脆感，几款雪糕：抹茶、朱古力同士多啤梨都好食，朱古力布朗尼蛋糕亦都浓郁绵密。
佳节献礼佳节当前，总会互相送上小礼物，甜品「佳节献礼」就喺以精致小礼物盒作为造型概念。以4块方形脆饼作为「礼物盒」，内里喺牛乳雪糕配以数款新鲜生果点缀，「盒底」再嚟一层芒果雪糕砖，相信你都好想拆开依份礼物。侧旁装饰喺「士的」及焦糖香橙佛罗伦斯雪糕，各款雪糕始终有一定嘅质素，尤其芒果味，最得众人欢心。
试过多款圣诞限定嘅雪糕甜品，实在好令人回味。但想跟家人或朋友分享，就不妨考虑以下专为圣诞而设嘅雪糕蛋糕（$362起）：冬日小屋及雪白圣诞，既精致，又充满节庆嘅卖相，绝对能够取悦大家。
甜品以外，又点少得一啲圣诞特饮，几款特饮又喺咪好吸引呢？小弟试咗当中嘅士多啤梨特饮，以士多啤梨牛奶、士多啤梨糖浆、忌廉及士多啤梨雪糕组成，搅匀后，冰凉透心，香滑而奶味重，如果喜欢饮奶昔嘅朋友，应该几啱饮。
雪糕火锅 $270HD嘅雪糕火锅一向都甚受欢迎，嚟到圣诞，必然要推出一个圣诞版雪糕火锅。堂食价$270套，已包括两盆共32球迷你雪糕（抹茶、云呢拿、士多啤梨、仲夏野莓、曲奇云呢拿、比利时朱古力、朱古力及夏威夷果仁，每款4球），以及一盆鲜果、朱古力布朗尼蛋糕、棉花糖及曲奇，而两个蛋白脆饼小雪人「沐浴」于朱古力浆内，暖意无限。雪糕球沾过朱古力浆，形成脆皮效果，份外滋味，原来小雪人底下喺榛子碎，将雪糕球黏满榛子碎再沾朱古力浆，就加更可以享受到双倍滋味，果真压轴闪耀登场。
为使更多人可以晌屋企享受到雪糕火锅嘅美味，外带嘅礼盒装更可以成为节日送礼佳品（原价$429-$576）。本身已配备鲜红色及深紫色嘅小火锅炉，今次更与香港创作品牌Chocolate Rain合作，推出全新「Häagen-Dazs™雪糕火锅 x Chocolate Rain™」限量版套装（48个指定口味迷你雪糕球），据知数量有限，手快有，手慢无，有兴趣嘅朋友良机勿失。
除咗以上各款雪糕甜品、雪糕蛋糕、雪糕火锅外，仲有「欢乐派对礼盒装」（$199）,一盒75ml x 15杯，包含5款口味：云呢拿、士多啤梨、朱古力、香蕉、曲奇云呢拿，同样啱晒开派对之用，部份大型超市及7-11便利店已经有得买，超方便。你又会唔会已经有晒心水买边款！
张贴
