影片
更多
2024-10-29
252 浏览
其实呢间《○de▽ 鲷白汤らーめん》，响香港来讲都非常有名气，大家都唔会陌生。最成功嘅地方我认为莫过于，一，佢捕捉到巿场空缺，响香港做鲷鱼拉面嘅佢系唯一一间。二，佢嘅产品系真系有质素。我大概大半年前都有食过，不过当时冇记低食评，印象已经唔深，所以重新探一探店，评一评。《鲷🐟 白汤拉面🍜》香味 (4/5) - 香味非常够。有别于一般鱼介拉面嘅气味，佢个香味系高雅d，清新d。汤头 (3.5/5) - 味道方面系好嘅，鱼味系浓郁嘅，咸度刚刚好，不过，因为呢碗系鲷白汤，所以我会预期佢个汤会同一般白汤一样，会比较顺喉丝滑。但，事实并非如此。佢个汤嘅质感其实都几沙，同顺喉丝滑好似扯唔上任何关系，我认为如果佢个名叫“鲷沙汤”或“鲷白沙汤”拉面就更加合理得多。不得不提系，食到尾声嘅时候，汤入面会赫然发现汤入面有唔少碎骨粉，今个汤同白汤呢两个字嘅预期越扯越远。另外想话，第一啖入口时，除左鲷鱼嘅味道之外，仲有一股强烈嘅沙丁鱼或秋刀鱼嘅味道，咁就有好有唔好。好嘅系，令成个味道👅嘅层次增加，因为唔系得一款鱼嘅味。唔好嘅系，鲷鱼嘅独特性会比其他鱼类盖过，因为沙丁鱼或秋刀鱼嘅风味都强烈。不过我明白一点，鲷鱼本身嘅
《鲷🐟 白汤拉面🍜》
鲷🐟 白汤拉面🍜
$138
0 浏览
0 赞好
0 留言
香味 (4/5) - 香味非常够。有别于一般鱼介拉面嘅气味，佢个香味系高雅d，清新d。
汤头 (3.5/5) - 味道方面系好嘅，鱼味系浓郁嘅，咸度刚刚好，不过，因为呢碗系鲷白汤，所以我会预期佢个汤会同一般白汤一样，会比较顺喉丝滑。但，事实并非如此。佢个汤嘅质感其实都几沙，同顺喉丝滑好似扯唔上任何关系，我认为如果佢个名叫“鲷沙汤”或“鲷白沙汤”拉面就更加合理得多。
不得不提系，食到尾声嘅时候，汤入面会赫然发现汤入面有唔少碎骨粉，今个汤同白汤呢两个字嘅预期越扯越远。
另外想话，第一啖入口时，除左鲷鱼嘅味道之外，仲有一股强烈嘅沙丁鱼或秋刀鱼嘅味道，咁就有好有唔好。好嘅系，令成个味道👅嘅层次增加，因为唔系得一款鱼嘅味。唔好嘅系，鲷鱼嘅独特性会比其他鱼类盖过，因为沙丁鱼或秋刀鱼嘅风味都强烈。不过我明白一点，鲷鱼本身嘅价格系属于偏高，如果唔用其他价格偏低嘅鱼平衡返成本，个面嘅定价可能会过高。然而，就算用唔同嘅鱼凑埋一齐，个味道都系几好。
讲开个汤，一定要提埋碗边嘅柚子酱。可能店家想打稳阵波，怕d心急顾客会成笃捞晒落去，破坏左个平衡度，所以个酱嘅浓度系颇低，都相当淡口，柚子味都系仅仅食得出。我认为呢个柚子酱，冇特别提升到个汤嘅层次，柚子味亦唔出，可有可无。
面条 (2.5/5) - 面条方便，讲真都相当之唔特别。佢系属于细面于中细面之间，直身，个麦味唔强，而比较大嘅问题系，个面并不爽弹，食起上来少少糊口。
配料 (3.5/5) - 首先就系鲷鱼肉，响个面嘅中间会放左一堆仔嘅鲷鱼肉碎，有烧过，有刻意调味，不过食唔出佢放左咩粉，貌似七味粉但完全唔辣，估计系用甜椒干磨粉呱。明白因为成本考虑，点都唔会比大大块鱼柳架喇，鱼肉碎上口感就系有d唔满足，不过卖相都算靓，调味香味都算足，所以都中上。
块猪叉烧，系我食过咁多猪肩肉当中，甘香肉味系最欠奉嘅。或者，可能店家系刻意避免猪肉味会盖过鱼味呱。
荀方面，有两块，为配合店名，刻意切成一块圆形⭕️，一块三角形🔺。心机同点子系有，但最大问题系，块荀系煮到过腍，荀应有嘅爽脆口感完全冇左，荀味亦颇淡。呢两块荀唯一嘅作用就系影相特别d呱，我就认真麻麻地。
溏心蛋方面，心机一定十足啦，自称系用樱木烟熏，系咪真系樱木我就唔识辨别，不过烟熏味系好出，特别系蛋白部份相当够香够味，成只蛋嘅完成度系相当高。
整体 - 值得小推荐 👍👍👍 唔系大推，因为佢价格偏贵，而配料同面条嘅满足度不足，但汤嘅味道系好，所以都小推一下。
题外话/补充资料：
店家嘅个性非常突出，一来，产品嘅风格同呈现出黎嘅效果可以话好独到（特别系识喷烟嘅沾面，下次试）。二来，个店名，有边个香港人识读得正确呢？大部份我嘅朋友提起呢间店，都系话"食鲷鱼拉面间店"，而系唔会讲得出个名。无他嘅，个名咁有性格，用○同▽混入个名道，点读㖞。我以前冇特别留意，我会叫佢做 “啊嗲”，因为我以为 ○系日文个 O（お），お 系读 “啊”, 而 de 系读 “嗲”。但睇真d，正确嘅读法应该系 “まるでさんかく” (Maru De Sankaku)
(以上食记乃用户个人意见 , 并不代表OpenRice之观点。)
张贴
