好一鍋海鮮火鍋專門店 (已結業)

由入座开始，哩位员工已经系黑面，盒纸巾系掟低，唔系放低，跟住一路食野，佢行埋黎拎单，执野，都不停系度口噏噏，问佢讲咩，仲要啤住你，之后，隔离枱走，哩位员工去执枱，我身边有一个放送既枱仔，佢一脚踢埋去张枱仔度，张枱仔，就直接撞埋我只脚度，我已经即时同个位员工阿姐讲，你整到我，但佢一啲反应都冇， 唔好意思，对唔住，都冇讲一句，继续喺度发脾气执碗，仲要呯呤嘭唥咁张啲碗放入个盘度，(佢好明显系度发紧脾气)，但我唔知佢咩事咁噪底，我系拎帮衬，唔系黎收气，你位员工，如果系做得唔开心既，点解唔同上司沟通一下， 反而对住客人大发脾气?食物系好食，环境都唔错，但哩位员工态度， 非常非常非常非常非常之差，更好食都唔会再帮衬。