榮記粉麵

营业中

休息中

上次食过觉得唔错，今日专登走落去食，佢哋嘅车仔面系唔错，啲𩠌好入味，钟意食佢哋啲猪皮萝卜同猪红，不过呢间野啲员工冇论男或女态度都唔好，今日除左手袋外仲拎住其他野，见冇咩人就放低啲野向另一张櫈，点知有个女员工就好串态度叫我空返张櫈出嚟，咁我都狈返住个手袋放大脾再坐入啲，但手抽果袋真系冇晒位放，如果放埋向手袋之上根本就顶住食唔到野。然后个西面女店员又再叫我空返张櫈出嚟话啲櫈唔系比你放野，果刻我真系有啲著著地，但自己明白人哋地方有限要做生意唔怪得人，咁我就话，我都唔知仲可以放边咁你哋有冇地方比我摆袋野啊？跟住西面个女店员就用闹人嘅语气态度非常串咁话：放地下啰！！！我望完个地下之后当然拒绝冇理佢，然后另一女店员就过嚟望到我真系冇办法，佢就话一系你将摆野张櫈推后而，你再坐入啲比返个位出嚟啦。就系咁事情解决左，经过呢件事我决定就算再钟意食都唔会再光顾，反正佢哋亦唔怕冇人帮衬，我亦冇必要比钱买气受。