牛魔一人燒肉

营业中

休息中

平日夜晚9点半去食，得𠮶几枱，系都再迫你搭枱，周围仲大把空位，啲梳化又污糟，有油，用湿纸巾抹完成张纸巾黑晒。周围大把位，佢无端端带两位坐隔离，张枱我哋已经放咗一半食物，我哋同个侍应讲，周围咁多枱，可唔可以唔好坐得咁迫，加上张枱又冇隔板，如果搭枱，真系手踭撞手踭咁食，之后个男员工好唔满意咁走开咗。之后有个金发四眼男侍应同长发女侍应讲，坐得唔舒服咪食啰，仲发脾气大力掟嘢。隔咗一阵，个男侍应报复，又特登带第二枱两位坐我哋隔离，其实成个场有好多两位都系坐4人枱，佢偏要带我哋𠮶张，我就知佢想报复。我同佢讲，你个场爆棚搭枱真系冇问题，但周围都系空位，点解要啲客坐得咁迫，之后𠮶两个客都走咗去第二张枱坐，仲要系打横坐，我哋都系打对面坐。金发四眼男侍应唔份气，系咁捉住长发女侍应系度话我哋，仲要大大声话呢度唔俾搭枱架咩，咁嘅态度真系想博俾人打，当然我哋会容忍，无谓同呢啲小朋友嘈。当晚未够10点钟，个金发四眼男侍应已经不停喺门口讲截咗单啦！唔做架啦！我心谂你哋收11点，10点未够就赶客唔做生意，希望佢老板会睇到呢篇食评，认真考虑吓请啲乜嘢质素嘅员工，而唔系请啲倒米嘅员工。