影片
更多
2022-08-13
397 浏览
第一次写食评，因为从未试过有咁差既体验！呢间食过几次，本身觉得食物唔算差，但今日食午餐体验极差！今日同丈夫去食，佢叫了午餐蒸肉饼，问例汤系咩，侍应话例汤系菜干猪肺汤，但要加$8（其他餐厅例汤都系免费），心谂都好啦难得有猪肺食，就＋$8 将饮品转例汤， 我叫了烧鹅叉烧双并濑粉，要求了半肥瘦。首先到左既系汤，一黎到已经系得半满，里面仲有网球咁大旧煲汤瘦肉，汤只有几啖，饮到底，连一旧猪肺都无！之后我个烧鹅叉烧双并濑粉到左，一望，叉烧系全瘦好似干柴咁，无肥肉，我揾黎一位姐姐话我要既系半肥瘦，要求更换，位姐姐竟然掹大眼讲大话，指系半肥瘦呀，就走左去。我再揾另一位姐姐，佢都坚持话系咁架啦，我话呢个你地点可以话系半肥瘦！就揾第3个哥仔，佢应该系负责厨房，佢先终于肯换俾我，但整体感觉已经极差！食完埋单时先记起，呢间餐厅咩都唔收只收现金，唔好话wechat/ alipay，连八达通都唔收，咁岩身上既钱，连埋$2毫子先岩岩好够$125，就好声好气同收银阿婶讲，「唔好意思，唔知你只收现金，计埋$2毫子先岩岩好」，个阿婶即刻瞪大对眼怒视破口大骂「你俾毫子我有咩用呀！！我又唔可以找俾啲客！！唔收呀！」，𠮶刻我同
呢间食过几次，本身觉得食物唔算差，但今日食午餐体验极差！
今日同丈夫去食，佢叫了午餐蒸肉饼，问例汤系咩，侍应话例汤系菜干猪肺汤，但要加$8（其他餐厅例汤都系免费），心谂都好啦难得有猪肺食，就＋$8 将饮品转例汤， 我叫了烧鹅叉烧双并濑粉，要求了半肥瘦。
首先到左既系汤，一黎到已经系得半满，里面仲有网球咁大旧煲汤瘦肉，汤只有几啖，饮到底，连一旧猪肺都无！
之后我个烧鹅叉烧双并濑粉到左，一望，叉烧系全瘦好似干柴咁，无肥肉，我揾黎一位姐姐话我要既系半肥瘦，要求更换，位姐姐竟然掹大眼讲大话，指系半肥瘦呀，就走左去。我再揾另一位姐姐，佢都坚持话系咁架啦，我话呢个你地点可以话系半肥瘦！就揾第3个哥仔，佢应该系负责厨房，佢先终于肯换俾我，但整体感觉已经极差！
食完埋单时先记起，呢间餐厅咩都唔收只收现金，唔好话wechat/ alipay，连八达通都唔收，咁岩身上既钱，连埋$2毫子先岩岩好够$125，就好声好气同收银阿婶讲，「唔好意思，唔知你只收现金，计埋$2毫子先岩岩好」，个阿婶即刻瞪大对眼怒视破口大骂「你俾毫子我有咩用呀！！我又唔可以找俾啲客！！唔收呀！」，𠮶刻我同老公都呆左，我话你地咩都唔收，我身上既钱真系岩岩好，阿婶继续怒视我地，老公为了息事宁人，叫我坐返埋位，佢去拎钱！
我坐返低越谂越嬲，起初有谂过同老板讲，但谂深一层，根本系有咩老板就有咩员工，同佢讲佢都只会觉得员工无问题！
其实，我都知道我想俾＄2 毫子有唔著既地方，但问题系个态度，你无必要破口大骂凶个客！你可以讲唔好意思我地唔收毫子，麻烦你去柜员机拎钱返黎。而且你亦无写唔收毫子，系法例上亦唔容许拒收毫子!!
呢种当啲客系老冯要黎帮衬既餐厅，劝大家唔好帮衬, 免得受气。
张贴