影片
更多
2016-05-23
167 浏览
我未试过写食评，而今次破例咁写，系因为今日食左碗令我相当不满既刀削面。住荃湾既人，食黎食去都系个几间面店，呢间一向都去开，一向觉得好食。但今次外带既- 麻辣鸭肾刀削面-，我真系睇见都无食欲。首先唔系佢质素问题，唔系佢整得唔好食(水准都算kepp到下)，而系佢碗麻辣鸭肾刀削面居然无麻辣酱，真系好离谱，身为一个无辣不欢既人，无麻辣既麻辣鸭肾刀削面叫我点食得落口？可能有人觉得好少事，只系员工疏忽造成，但其实令我不满既唔只系今日内既事。以前印象中既外卖，系有两个盒，一个放汤面，一个系放你嗌既𩠌，如果有要求佢汤分上就+1蚊，啲面唔会浸林，就系有三个盒拎走好合理。食个阵面同𩠌分开，我个人就中意咁食法，起码你加唔加碗𩠌入面既麻辣汁多少都有得拣。但次次个阿姐都劝你唔分都一样(佢系间舖做左好多年)，比我既感觉就系废事烦，咁我当然唔理佢照要求佢咁做啦。最近开始佢地连𩠌同面都唔鬼分，全部一碗过，我已经忍无可忍。今次嗌既外卖面，我都有要求佢全部分开盒，但佢只系分左汤同面，𩠌依旧系面上面，更离奇系麻辣汁同蒜蓉神秘消失左，叫我食清汤鸭肾刀削面，我连掂都唔想掂。我好感慨，大部分餐厅做到有声有色既时候，就开始为左节省
住荃湾既人，食黎食去都系个几间面店，呢间一向都去开，一向觉得好食。但今次外带既- 麻辣鸭肾刀削面-，我真系睇见都无食欲。
首先唔系佢质素问题，唔系佢整得唔好食(水准都算kepp到下)，而系佢碗麻辣鸭肾刀削面居然无麻辣酱，真系好离谱，身为一个无辣不欢既人，无麻辣既麻辣鸭肾刀削面叫我点食得落口？可能有人觉得好少事，只系员工疏忽造成，但其实令我不满既唔只系今日内既事。
以前印象中既外卖，系有两个盒，一个放汤面，一个系放你嗌既𩠌，如果有要求佢汤分上就+1蚊，啲面唔会浸林，就系有三个盒拎走好合理。食个阵面同𩠌分开，我个人就中意咁食法，起码你加唔加碗𩠌入面既麻辣汁多少都有得拣。但次次个阿姐都劝你唔分都一样(佢系间舖做左好多年)，比我既感觉就系废事烦，咁我当然唔理佢照要求佢咁做啦。
最近开始佢地连𩠌同面都唔鬼分，全部一碗过，我已经忍无可忍。今次嗌既外卖面，我都有要求佢全部分开盒，但佢只系分左汤同面，𩠌依旧系面上面，更离奇系麻辣汁同蒜蓉神秘消失左，叫我食清汤鸭肾刀削面，我连掂都唔想掂。
我好感慨，大部分餐厅做到有声有色既时候，就开始为左节省成本而忽略左呢啲细节，呢啲细节正正就影响到顾客对餐厅既印象。如果咁继续落去，每次要求分开都要跪佢帮我分盒，分完又偷工减料，就以后咪再搞我。
麻辣鸭肾刀削面
$40
14 浏览
0 赞好
0 留言
张贴
