影片
更多
2023-03-25
60 浏览
之前食过位于观塘嘅分店，主打台式食物，外卖拎到返屋企都仲系好味。经过大埔，惊觉开咗分店！二话不说拉埋朋友入去食返件蛋饼先！👭🏻入店先发觉呢间分店路线有别于观塘，偏向饭面套餐。小编同朋友分别叫咗泡饭及牛肉面套餐，再加少量小食。🍲原粒胡椒猪肚鸡汤泡饭（$59）：胡椒汤浓香，有粒粒胡椒汤渣。猪肚切得好大块，幸好软糯易咬。酸菜偏甜，𩠌汤饭正好！鸡件肉质偏柴，但胜在份量多。🍜特级牛三宝面牛腱肉牛筋牛舌（$98）：肉量足，有齐晒三款肉食。牛腱肉，牛筋正常；牛舌厚切，加上煮嘅火侯影响，变相真喺少啲牙力都咬唔郁⋯切薄返啲会更好啦（亦有可能小编系日本食到嘴刁晒）🥗杂菜（+$15）：份量足，有粟米，西兰花，红萝卜，及菇片。 水煮另加酱油，健身减脂朋友必选。🫔芝士肉松蛋饼两件（+$26）：蛋饼及包裹住芝士及肉松。呢个价钱系抵食嘅，但同样价钱，观塘店出品优胜许多。🧋靓靓桃胶乌龙奶茶（+$22）：粒粒桃胶，偏软淋身。小编拣咗微糖走冰，茶底味都几香，更可自行选择添加其他材料～换购价相宜。🧋烧仙草奶茶铁观音（+$18）：仙草口感软滑，多糖虽然邪恶，但风味真系好好！唔怕肥嘅朋友可以试试～🍡黑糖姜汁混一式综合手工芋圆（
👭🏻入店先发觉呢间分店路线有别于观塘，偏向饭面套餐。小编同朋友分别叫咗泡饭及牛肉面套餐，再加少量小食。
🍲原粒胡椒猪肚鸡汤泡饭（$59）：胡椒汤浓香，有粒粒胡椒汤渣。猪肚切得好大块，幸好软糯易咬。酸菜偏甜，𩠌汤饭正好！鸡件肉质偏柴，但胜在份量多。
🍜特级牛三宝面牛腱肉牛筋牛舌（$98）：肉量足，有齐晒三款肉食。牛腱肉，牛筋正常；牛舌厚切，加上煮嘅火侯影响，变相真喺少啲牙力都咬唔郁⋯切薄返啲会更好啦（亦有可能小编系日本食到嘴刁晒）
🥗杂菜（+$15）：份量足，有粟米，西兰花，红萝卜，及菇片。 水煮另加酱油，健身减脂朋友必选。
🫔芝士肉松蛋饼两件（+$26）：蛋饼及包裹住芝士及肉松。呢个价钱系抵食嘅，但同样价钱，观塘店出品优胜许多。
🧋靓靓桃胶乌龙奶茶（+$22）：粒粒桃胶，偏软淋身。小编拣咗微糖走冰，茶底味都几香，更可自行选择添加其他材料～换购价相宜。
🧋烧仙草奶茶铁观音（+$18）：仙草口感软滑，多糖虽然邪恶，但风味真系好好！唔怕肥嘅朋友可以试试～
🍡黑糖姜汁混一式综合手工芋圆（$44）：糖水底可选黑糖姜汁或椰汁。小编想清爽啲，所以拣咗黑糖姜汁。有黑糖及姜味，但又唔会太甜。
- 🍠自家芋泥（+$13）：足料！芋泥香滑，同时食到粒粒芋头。微微偏甜，抵食！
👌🏻整体而言：
1. 价钱亲民，都几多街坊帮衬。
哥哥添饭•妹妹泡茶 (大埔)
地址：大埔大明里6号宝丰楼地舖
电话：62860988
营业时间：星期一至日07:00-22:00
#香港食好西 #大埔 #大明里 #台湾菜 #野生代言人
张贴
