哥哥添飯•妹妹泡茶

营业中

休息中

🚩哥哥添饭 妹妹泡茶估唔到依间餐厅喺香港已经开咗三间分店～实不相瞒系我读紧书嘅时候曾经都系呢间餐厅嘅员工，负责冲下奶茶仔咁😆𠮶阵时仲要系得一间分店，睇嚟佢依几年嘅生意都几好🥹〰️〰️〰️〰️〰️〰️〰️〰️〰️〰️〰️〰️〰️〰️〰️🌈原粒胡椒猪肚鸡汤 $75呢款系大埔分店限定嘅产品～先讲份量方面真系超级多，满满嘅一碗料鸡肉用嘅都系肉嘅部份，唔会比好多骨头你酸菜食落偏甜，爽爽脆脆不过胡椒汤饮落比较温和，我都系钟意偏辣一啲嘅胡椒汤味🌈 特级牛三宝面牛腱牛筋牛舌 $98估唔到呢度嘅牛三宝，竟然有牛舌牛舌两片都系超大超厚，咬落爽爽弹弹唔会靭牛腱牛筋都系淋而不烂汤底就普普通通不过不失🌈花枝丸酥3粒 $ 18呢款有少少失望花枝丸咬落有啲粉头嘅质感，唔系爽口弹牙个款🌈大肠包小肠 $ 34首先配料好丰富，有少少卤肉粒增香台湾肠都做到香甜多汁唔知点解糯米肠嘅肠衣好靭，差唔多系咬唔开个款😵‍💫不过里面嘅糯米又好软熟🌈芝士肉松蛋饼 $ 26芝士嘅咸香配上甜甜地嘅肉松系绝配嘅组合如果大家想食小食都推荐大家拣依款🌈紫芋地瓜球3粒 $ 15老母亲就系喜欢食依啲芋头番薯嘅组合🤣唔知大家屋企嘅皇太后系咪都系咁地瓜球做到外酥里软，芋头味都几香浓🌈