為食火鍋公司

营业中

休息中

入到去装潢好日式好干净企理，哥基主题下食野心情都靓啲～ 由于佢任饮任食，野食未上齐一于去拣左饮品先，好多韩国乐天牌子饮品，同港式滋补养生茶，睇得出餐厅舍得落本。先上刺身同鸡煲，可以体验自己炒，职员会教你点炒，见到你搞唔掂就会出手帮你。炒香完一食就俾鸡煲既孜然味同铺满面既鱿鱼、猪皮、牛柏叶吸引住，加少少既辣味好鬼夹好惹味！食晒鸡煲职员就会帮你换上火锅，可以拣蕃茄薯仔汤底或者麻辣汤底，海鲜只上一次但好高质，蚝同海虾都大大只好鲜，最紧要系有芋泥包心贡丸！超级惊喜！佢哋既份量好多，我哋一行两个女仔食完一轮都无再另外order。店舖仲有慈善义卖，将卖出的模型捐赠香港拯救猫狗动物协会。