四川美味 (已結業)

唔知咁多位朋友仔系咪一个嗜辣既人呢？点解咁讲呢，因为越来越多小食店都会卖呢种小食「凉皮」，佢系中国陕西好出名既小食，黎到香港大多数都以四川/重庆小食黎作招徕，而开店既速度同茶饮店有过之而无不及，同一个商场除左茶饮店最多之外，第二就系凉皮店，可见呢种食物真系越来越受欢迎。通常呢种食物都系贪佢重口味，但唔系几食得辣既我都叫左小辣，因为好似唔辣就失去左食佢既意义咁，呢间店成日去到都会几多人排队，唔知系咪因为佢好食啲呢，我无食过其他真系唔知，不过呢种食物主要都系靠调味，应该都系大同小异我通常都会叫小辣凉皮加鸡丝，睇住个姐姐加入辣椒粒、芫茜、葱、青瓜丝、酱油、糖、醋、脆豆......，最后完成品系一碗好澎湃好丰盛既凉皮，我就好钟意食啲多重口感既食物，即系一入口就食到脆豆既脆、芫茜既香、青瓜既爽、凉皮既软淋同麻、酸、辣既味道一直涌出黎，只可以讲唔食辣既我都会一而再再而三咁帮衬，可能我已经上左瘾啦每次都会透过以下6大方面评分(满分:30分)味道 : 4 / 5环境 : 3 / 5外观 : 3.5 / 5价钱 : 4 / 5服务 : 4 / 5 回头率 : 4.25 / 5总分 : 22.75 / 3