尚善

营业中

休息中

今晚约左友人去完长洲，返黎中环码头唔知食咩好，友人提议去上环食，有一间质素唔错嘅日本餐厅。地点唔算易揾，我地都要google map，不过最后都黎到。一入到去比我第一印象系好高雅，好宁静，店员好好礼貌，同一般日式餐厅好唔同。首先叫左上级刺身拼盘，上菜时店员都非常细心向我地介绍每一种鱼生讲解每一种鱼应该用咩豉油。三文鱼比较普通，带子同埋牡丹虾都好甜，白身鱼好肥油份好重。个人好钟意有油甘鱼同埋剑鱼腩，因为唔够喉所以叫咗寿司食。刺身说得好厚，一咬落去啲鱼油，标晒出嚟，好满足呀。三文鱼茶渍饭，味道清清地，比较淡，好适合啱啱食完啲咁油咁肥嘅刺身之后食。呢间餐厅地方好阔落，我同友人都可以好舒服咁享受呢餐晚餐，虽然价钱比较贵，但系质素同价钱系成正比嘅，希望下次再黎过啦。