影片
更多
2012-02-13
326 浏览
$99 二人于皇子印度餐厅享用七道菜晚餐，米芝莲推介厨师 (价值 $375)间餐厅既位置又隐闭又难揾，揾左几个字先去到，餐厅唔大，得六张枱，似乎系一家三口印度人开既，坐低果阵有另外两枱客，食到一半已经得返我地。如果唔系见到有团购讲到咁吸引－－「米芝莲推介厨师」，点都唔会黎到咁隔摄揾食，价钱仲要唔吸引，$99两位，额外要按原价收取加一服务费$37.5，共$137。可能期望太高，有点儿失望而回，希望唔系因为团购收平左所以将货就价啦！ 是日餐汤 2客 Today's Soup x2第一次饮呢种味道既汤，饮完都唔知系咩汤，入面有蒜头粒，味道似蒜蓉包碎沟奶粉，平时极少浪费食物，但今次只系饮左一半。 香料胡椒饼 2客 Papadam x2纸咁薄既一块烤饼卷成一个圆锥形，饼面见到有黑芝麻/胡椒，食落脆到好似薯片，越食越辣，辣到我放弃左。 杂菜沙律 1客 Cachumber Salad x1无汁无酱，纯粹几片青瓜同椰菜放埋一齐，再加D黑胡椒，一D都唔好食。 皇牌牛油咖哩 1客 (牛/羊/鸡) Mixed Meat Curry with Butter x1 (Beef/Lamb/Chicken)
间餐厅既位置又隐闭又难揾，揾左几个字先去到，餐厅唔大，得六张枱，似乎系一家三口印度人开既，坐低果阵有另外两枱客，食到一半已经得返我地。如果唔系见到有团购讲到咁吸引－－「米芝莲推介厨师」，点都唔会黎到咁隔摄揾食，价钱仲要唔吸引，$99两位，额外要按原价收取加一服务费$37.5，共$137。可能期望太高，有点儿失望而回，希望唔系因为团购收平左所以将货就价啦！
是日餐汤 2客 Today's Soup x2第一次饮呢种味道既汤，饮完都唔知系咩汤，入面有蒜头粒，味道似蒜蓉包碎沟奶粉，平时极少浪费食物，但今次只系饮左一半。
香料胡椒饼 2客 Papadam x2纸咁薄既一块烤饼卷成一个圆锥形，饼面见到有黑芝麻/胡椒，食落脆到好似薯片，越食越辣，辣到我放弃左。
杂菜沙律 1客 Cachumber Salad x1无汁无酱，纯粹几片青瓜同椰菜放埋一齐，再加D黑胡椒，一D都唔好食。
皇牌牛油咖哩 1客 (牛/羊/鸡) Mixed Meat Curry with Butter x1 (Beef/Lamb/Chicken)佢一揣上台，我心谂：哗，唔系挂，咁「大碟」既！只兜仔只系大过汤碗少少，份量同碗汤差唔多，size请参考下面烤饼张相。大约有六旧肉，牛羊鸡都有D，再加两旧薯仔，份量只够浅尝。入口味道一般，又唔香又唔惹味，可能食惯娘惹咖哩，觉得茶餐厅既咖哩牛腩饭仲好味。
串烧鸡 1客 / 炭烧无骨鱼 1客 Chicken Tikka x1 / Fish Tikka x1选了炭烧无骨鱼，个名好新奇有趣，即管试下，原来系三片仔鱼柳，厚度只有M记鱼柳包既鱼柳既一半，鱼柳既边皮烧到有点㶶，上台果阵热辣辣出哂烟，鱼柳表面脆卜卜，黄色既鱼肉又林又削，但无咖哩味，得个咸字。
咖哩时蔬 1客 Vegetable Curry x1
咖哩煮豆角、蕃茄、青椒、西兰花同红萝卜，平平无奇，无咩特别。
无限任食烤饼 Unlimited Naan烤饼热辣辣，好厚好烟韧，用刀叉都切唔开，一份有三块，应该系一整块烤饼切开，食完一份再添食，等左5分钟先上，都系热烘烘的，值得一赞。
甜品 2客 Dessert x2估佢唔到，甜品系两粒烧菠萝，相中所见菠萝粒既四周都被烧焦，要切走D㶶焦先食得，烧完既菠萝香甜多汁，可惜好韧同有根，少D牙力都𡁻唔烂呀！
虽然食物味道不外如是，但要赞下餐厅既诚实作风。抬头望下室内环境，骇见酒柜放左四瓶疑似化工饮料原料，真系相当有可疑！张贴
