影片
更多
2021-10-10
628 浏览
上次来过，很有回忆，可顺便介绍给女儿看看以前一些荔园的趣事。食物造型可爱，也很有荔园风格，只是味道比较一般。今天应女儿要求再次光临，人不算多，排一会就有位了。去到安排的位置，哗！张张櫈都有啲食物残渣🤮，可能是清洁姐姐拾枱时快快手就咁扫咗落去，算！用纸巾扫返干净就算。之后就点嘢食，因为不太肚饿所以只暂时点了女儿最爱的摩天轮，以及春风得意肠及蕉积馒头。春风得意肠还算可以，炸俩的做法但里面包嘅系春卷。蕉积馒头造型趣致，小女儿见到好钟意，不过口感就比较麻麻， 馒头外皮非常韧，口感就好似食紧张纸咁😖。食完枱面啲嘢再等多10分钟左右，因见个摩天轮未到，就举手谂住嗌人问啦，就如以往一样举手起码要5分钟先至有人过嚟，都预咗！个姐姐过嚟睇完之后就话「摩天轮一早卖晒啦！」之后就咁走咗去！剩低我同我老婆你眼望我眼，个个O晒嘴，一早卖晒又唔讲，系之后卖晒的话又唔通知我哋？我哋唔问的话咪一直系咁坐喺度斋等？😖啲嘢食冇咗都算啦，谂住可以嗌第二样，但个姐姐丢完𠮶句之后就急急脚走咗，又冇攞过张点心纸畀我哋再点，咪举手谂住攞啰，等咗几分钟个姐姐嚟嘞，我又唔小心讲错咗叫姖畀张单我🤦🏻。不过错有错着，张单嚟到一睇当堂吓咗一
今天应女儿要求再次光临，人不算多，排一会就有位了。去到安排的位置，哗！张张櫈都有啲食物残渣🤮，可能是清洁姐姐拾枱时快快手就咁扫咗落去，算！用纸巾扫返干净就算。之后就点嘢食，因为不太肚饿所以只暂时点了女儿最爱的摩天轮，以及春风得意肠及蕉积馒头。春风得意肠还算可以，炸俩的做法但里面包嘅系春卷。蕉积馒头造型趣致，小女儿见到好钟意，不过口感就比较麻麻， 馒头外皮非常韧，口感就好似食紧张纸咁😖。食完枱面啲嘢再等多10分钟左右，因见个摩天轮未到，就举手谂住嗌人问啦，就如以往一样举手起码要5分钟先至有人过嚟，都预咗！个姐姐过嚟睇完之后就话「摩天轮一早卖晒啦！」之后就咁走咗去！剩低我同我老婆你眼望我眼，个个O晒嘴，一早卖晒又唔讲，系之后卖晒的话又唔通知我哋？我哋唔问的话咪一直系咁坐喺度斋等？😖
啲嘢食冇咗都算啦，谂住可以嗌第二样，但个姐姐丢完𠮶句之后就急急脚走咗，又冇攞过张点心纸畀我哋再点，咪举手谂住攞啰，等咗几分钟个姐姐嚟嘞，我又唔小心讲错咗叫姖畀张单我🤦🏻。不过错有错着，张单嚟到一睇当堂吓咗一跳，张单鬼咁长，总数成五百几蚊，我净系叫咗三样嘢咋㖞（仲有一样系冇嚟到𠻹）！哩铺真系火都嚟，我同我个女都即时嬲到要嗌埋单！😡
最后总算搞返掂张单，以后真系唔会再帮衬！之前食过一次感受过荔园情怀就算了，要品尝趣致点心我倒不如去「唐宫小聚」或者「点心」好过，完！
张贴