小南國 (已結業)

上两个礼拜朋友啱啱响外国返嚟，想食上海嘢，咪提意去小南国啰！(虽然对门口面青口唇白𠮶位姐姐冇咩好感，但系贪佢近我Office，同埋都好耐冇食佢D生煎包！)点知一直都订唔到位，一系就要晏到死。朋友就嚟走喇，都未食到。前几日，一早返到公司，谂住打电话去订位啦，点知打咗好耐都冇人听，都算啦！可能人哋姐姐真系好繁忙呢！搞到电话都听唔切呢！横掂今日晏昼要出去，不如索性上去订埋位啦！点知上到去就俾我见到奇景：门口𠮶两个姐姐居然Pa咗响张台仔度瞓觉，店里面又熄晒灯，「黑Mun Mun」，我发觉好似冇人帮到我咁，算啦就掉头走，睇嚟今次又要让友人失望！可能我嚟嘅Timing唔啱啦！我谂就算系伙计食饭或者休息，都冇可能冇人理我挂！佢哋嘅管理层都好有问题，呢一间公司依家俾我嘅Image系：差！差！差！怪唔之得Sogo隔离果间执咗啦！希望佢哋有所改善啦！唔好步Sogo隔离果间嘅后尘，如果唔系我就以后冇生煎包食喇！P.S.同友人最后去了金满庭，虽然要等位，但唔系等 好耐。