糖佰府 (已結業)

夜晚食完饭谂住揾糖水食下，离远见到有唐伯府，于是就谂住求其当揾个地方同朋友食野算(因为不嬲觉得麻麻地)，但系门口见到menus..发现卖既野好似唔同晒，之后店员解释后，先发现此唐佰府不同彼唐伯虎，原来系"佰"同"伯"既分别，而甜品价钱也算合理。内里环境也算整整齐齐，够寛躺。之后我地叫左个芒果拿破仑 ($34)、益力多棉花冰 ($38)，整体甜品质素也非常不错。首先芒果拿破仑的芒果十分鲜甜，点上旁边的朱古力酱食简直一流，最正系饼底十分酥脆、层次分明，薄得黎又唔会好易散，配合中间的吉士酱同芒果一齐食，口感同味道非常好，最重要只系34蚊ja。而益力多雪花冰都好正，因为本人钟意饮益力多，所以一见到，就非叫不可，食落口，d 冰好滑，而且啖啖充满益力多甜甜的酸酸的味道，食落口味十分清新，整个人有种透心凉的感觉，除此之外，旁边的乳酸爆爆珠也令到这个冰生色不小，配合冰一齐食，令到口感更加丰富，唯一美中不足系西米感觉不太配合。