泰越南

营业中

休息中

同旧同事食午餐，大家有少少漫无目的周围行，谂起呢间泰菜都OK，就去食个晏啦！朋友叫咗冬荫公汤河，佢话个河粉都几好，尤其系个冬荫公味道唔差，只系河粉真系太吸水，食唔够一阵就「索」干哂啲汤，无一开始咁好食wor。我自己就最爱青咖哩，因为之前食都知呢到啲椰汁都几香，今次再叫。味道都无咩退步，咖哩椰香好出，一碗汁睇落好似无咩几多鸡肉，食开都有唔少，起码够下昼饱。反而想讲嘢饮，叫咗个珍多冰，不过无哂之前又浓又好味嘅感觉，今次淡如清水之余冰又多，唔合格。其实见佢一直都用紧泰国人做厨，之前都对佢几有信心，唔知点解有少少退步的迹象，希望只系一次半次啦。