Burger Mix (已結業)

为咗买六合彩所以经过此巷仔,以前曾帮衬过,觉得个包OK,所以就先来一个晚餐前奏,点知一去到就见间舖得2个伙记,不过无所谓,只谂住吃,但是我们在看吃甚么的时候,完全无人理我们,(里面完全无单),跟住一个伙计慢条斯理走出嚟,仲放咗好大听的音乐,坐在收银机位好唔耐烦咁,(好似话畀我们听我们阻住佢系度叹世界咁),跟住我都已经无晒瘾想走(心谂之前啲员工好勤力架),但系我都忍咗,叫咗个芝士牛肉汉堡包,跟住𠮶个收银就走入厨房(但唔系整我个包),而系整自己杯饮品,最好笑系搞到一地都系,仲大大声同同事讲等某某返嚟先畀佢执手尾,我望住个厨房一大摊污渍(心谂唔系咩),跟住只见佢另一个同事整完我个包后,就顺手用水喉冲地,见𠮶个唔愿做个位,将我个包包完就系咁伸出嚟,前前后后一句多谢都无,(心谂我欠你架,家下我系你老细㖞,真系把已火)!一句讲晒,唔想做就返屋企呢,简直影响成间舖.而个包因为心情问题,食不知味,无第三次!