合興潮州粉面專家 (已結業)

夜晚十点半放工行去大友商场𠮶头揾嘢食，见到呢间舖仲灯光火著于是入去试吓。 楼面得一位阿姐，佢忙于搅手机叫咗三次至过嚟落单。见舖名有潮洲粉面呢几只字所以叫咗蚝仔肉碎米粉($35)、四宝面 ($32)、加$5要油菜。约几分钟后食物到，望一望碗米粉得七、八成满，夹落汤多米粉少，料唔多蚝仔好细粒肉碎无乜而方鱼得两粒，最多系葱同唐芹，但系毫无芹菜味，汤更加无色无味。 朋友碗四宝面好似睇落好少少，有两粒猪肉丸、两粒贡丸、两旧鱼扎、一粒鱼饺，全部都好大旧，但系唔知点解会无鱼旦或鱼片或墨丸！ 面都系少而汤都系无味， 鱼饺ok，贡丸、肉丸都似外来货重调味好实，鱼扎最差好腥里面得两条幼幼嘅发黄西芹，食完啲丸仲好喉干！ 碟菜$5应该对佢无要求，但就系咁简单可整到啲芥兰俾枧水拿到咬落淋晒毫无质感，嘥晒啲食材！ 做食肆食物要用良心经营，否则食客一次无回头。