巴西燒烤餐廳 (已結業)

正式的晚餐我唔提, 不过呢间店自成立以来都不时会帮衬, 见证住佢d野越来越差劲. 以前帮衬开乐道果间多d, 而家执左, 唯有去尖东呢间~上次同朋友行到攰攰地, 就谂起呢间有"宵夜时段", 价钱吸引, 就走左去帮衬.我都明白呢个价钱唔可以要求太多.... 但结论系呢个价钱都唔值, 我宁愿悭番d钱去食m记好过!出面d热盘勉强都ok, 都不是什么特别的食物.至于沙律, 选择当然好少, d酱味啖兼稀到难以形容, 都唔知沟左几多水咁!! 仲有d菜话哂都生食, 但成摊水之余仲好唔新鲜, 食落都都真系惊惊地会肚痛!佢地的"主菜", 即系d侍应拎住一串串的烧物走埋嚟果d.... 真系.... 劲, 好明显系烧过几廿次, 或者可能系晚饭时段卖唔哂翻热果d卦.... 硬到..... 难以形容, 干争争之余, 用力咬到面部肌肉疲劳兼牙肉痛先咬得开, 咬得入口仲要... 个味道, 只可以用"食之无味, 弃之可惜"嚟形容, 吞到落肚都惊"un胃"....甜品, 唔掂, d豆腐花一早就比人搅到烂哂之余仲要得番好少, 唔通冇野食到d人要一早抢呢d廉价甜品??! 连最简单的啫喱.... 都令我好失望......