名點屋 (已結業)

间餐厅应该系长期唔够人手，喺舖面嘅5只手指数得哂，收银嘅有时做埋其他野。座位安排方面，就算叫到我，佢地都未揾到位比我地坐，企住喺到等。同埋我地洗完碗筷同留底嘅大盘、点心笼同埋碟都长期冇人清理，成张枱变得好逼。听到附近食客想要碟辣椒酱，但系过咗好耐都冇人拎比佢......食物方面，我地叫咗个Lunch set($98)，佢可以拣两个指定嘅饭/粥/肠粉+两份点心+菜。今次叫咗凤爪排骨饭+农家肉饼饭+京式小笼包+酥皮叉烧包+白灼时蔬，连埋茶钱，冇加一，就总共$112 。份量系够嘅，但味道好普通，唯一叫做好食嘅可能系个酥皮叉烧包，不过略嫌佢太甜。虽然地理位置好方便，但系论服务态度同食物质素真系唔多ok，如无意外，下次唔会再嚟呢间餐厅。希望间餐厅可以改善吓。