八月花 (已搬遷) 新店位置

四个人去又一城八月花，以前未去过。但有点失望。先讲食，点心水准十分普通，唔系话差，但真系普通，最唔抵系个雀笼点心，180蚊有多，牛肉、虾饺、芋角一般。肠粉亦唔觉皮薄或馅足。好既就有义烧同碟肉丝炒面，面脆肉丝有苟黄芽菜，咬落口感齐全。义烧真软身好食。吸引我既系佢地员工服务，无笑容无眼神接触，隔开十呎照大声叫其他员工，搬椅拖住张椅在地下拖。我觉得这是一般公共屋村既街坊生意咁。四个人，食得饱，800几蚊有多。仲有，碗碟d边花晒，惨不忍睹！ (有相架)佢有几排台系坐L字型梳化，原本以为几特别，但实在不适合香港人饮茶风格！ 谂下，四方台只坐L型两边，另一边系走廊，仲有一边痴住隔离梳化背面，咁你点放食物？(唔知大家听唔听得明！)放到对角，就根本攞唔倒，因为梳化唔旭得，企起身都有少少难度。