嘗樂 (譽都)

营业中

休息中

星期六带小朋友去石澳沙滩放电，虽然都成四点先去到，只系玩咗两个钟，玩完后都好肚饿。搭巴士到筲箕湾食埋晚饭先返屋企，唔熟路嘅我哋拣咗呢间餐厅食小菜。大概7:15分，入面嘅食客续渐埋单走，我哋坐低后睇餐牌，原来7:30前离座或9:30后入座有88折。我哋三个大人两个小朋友拣咗四个小菜，小味道可以，价钱公道。小朋友食咗几啖后都就话要食粉面都无点食，返到去又要煮嘢比小朋友食。全部都拣晒呢张细餐牌嘅小菜。惠顾小菜+$8不含味精老火汤，是日老火汤系节瓜章鱼猪骨汤，好味。深海龙趸两味：蒜蓉粉丝蒸龙趸头腩，肉质新鲜，如果有果皮可能更好。翡翠炒龙趸球，甜豆爽口，肉质有少少老。风沙鸡，有啲位太干身，普通。脆薯牛柳粒，薯仔外脆，啲啲辣，几香。